Poliedru
Un poliedru ye, nel sen dau pola Xeometría clásica al términu, un cuerpu xeométricu que la so superficie ta compuesta d'una cantidá finita de polígonos planos que zarren un volume finitu y non nulu.
| Poliedru | ||||
|---|---|---|---|---|
sólido (es)  y politopo (es) | ||||
 | ||||
| ||||
 | ||||
Los poliedros concíbense como cuerpos tridimensionales, pero hai semeyantes topolóxicos del conceutu en cualesquier dimensión. D'esta miente, el polígonu ye'l semeyante topolóxicu de dos dimensiones del poliedru; y el polícoru'l de cuatro dimensiones. Toes estes formes son conocíes como politopos; polo que podemos definir un poliedru como un politopu tridimensional.
|
|
|
|
|
Elementos d'un poliedru
editarNún poliedru cualesquier podemos distinguir los siguientes tres elementos notables principales:
- Les sos cares, que son les porciones de planu que llenden el cuerpu, en forma de polígonos.
- Les sos aristes, que son los segmentos nos que s'alcuentren dos cares.
- Los sos vértices, que son los puntos del poliedru nos que se xunten tres o más aristes.
Arriendes, tamién se pue falar de:
- Les sos diagonales, que son los segmentos que xunen vértices non consecutivos del poliedru (aquellos que nun tan xuníos ente sí per una arista).
