Portishead ye'l nome d'un grupu musical británicu, d'enclín trip hop, formáu en Brístol en 1991.

Portishead
Datos
Tipu grupu musical
Miembros Geoff Barrow
Xéneru trip hop (es) Traducir, Avant-rock, Downtempo (es) Traducir, rock alternativu y electrónica (es) Traducir
Sellu discográficu Island Records
Go! Discs
País Bandera del Reinu Xuníu Reinu Xuníu
Orixinarios de Bristol
Fecha fundación 1991
Web oficial
Cambiar los datos en Wikidata

Historia editar

Portishead ye una banda inglesa creada en 1991 na ciudá de Bristol, y son consideraos como unu de los pioneros col xéneru denomináu Trip-Hop, términu que nun convence a la banda yá que dicen que ye la manera en que los clasifiquen la so música, que para ellos ye inclasificable. Deben el so nome al pueblu llamáu asina a quince quilómetros del oeste de Bristol, pola mariña, que ye'l pueblu natal de Geoff Barrow. Portishead ta formáu por el mesmu Geoff Barrow, Beth Gibbons y Adrian Utley, anque dacuando había un cuartu miembru, Dave McDonald, como inxenieru nes sos primeres grabaciones.

Tres l'estrenu del curtiumetraxe “To kill a Dead Man”, Portishead llegó a un alcuerdu cola discográfica Go! Beat, que editaría'l so primer álbum Dummy nel añu 1994.

Dummy nun tuvo campaña de publicidá, aun así l'álbum foi un ésitu n'Estaos Xuníos y n'Europa. Na portada del álbum apaecen imáxenes del curtiumetraxe “To kill a Dead Man”. Nesi primer álbum Portishead definíase como un dueto ente Geoff Barrow y Beth Gibbons, anque pocu dempués de publicar esti álbum, Adrian Utley, quién había coproducido y coescrito el discu, va pasar a ser miembru oficial de la banda.

L'álbum llegó a vender mas 150 mil copies y tuvo delles reconocencies, como entrar na llista de los meyores 500 álbumes de la hestoria según la revista Rolling Stone. Esti discu tamién sirviría pa ser una clara definición del xéneru trip-hop.

La segunda entrega de Portishead, llegaría en 1997 sol mesmu nome del grupu. El soníu d'esti segundu álbum sería más nidiu que Dummy. El single “All Mine” llegó al top 10 en UK. Amás, grabóse un conciertu con acompañamientu orquestal en Roseland, New York, del que se venderíen copies en 1998. Darréu, publicaron tamién un video en formatu VHS de l'actuación, y más tarde en 2002, publicar de nuevu en DVD añadiendo dellos videos de los sos conciertos

En 2007, Portishead anunció que'l so tercer álbum tituláu “Third”, llegaría llueu. Y foi n'abril de 2008 cuando finalmente salió a lluz l'álbum. “Third” tuvo disponible una selmana na plataforma Last.fm, lo que sería la primer vegada que la plataforma habí puestu disponible a los oyentes un álbum primero que saliera a la venta. En tan solo 24 hores, 327 mil persones yá se pasaren por Last.fm pa escuchar lo nuevo de Portishead

Dende la entrega de “Third”, Portishead ta trabayando nel so próximu álbum y aseguren tener un proyeutu cargáu de grandes planes. Metanes tou esto llanzó'l cantar “Chase the tear” en 2009 con motivu del Día de los Derechos Humanos pa recaldar fondos pa l'Amnistía Internacional del Reinu Xuníu.

Toos estos últimos años presentóse a diversos festivales presentando la so música. Tamién produció un cover de la tema “SOS” de ABBA pa la banda sonora de la película High-Rise. Darréu realizó-y un video oficial al cover que realizaren nel que recontextualizó el cantar a raigañu del asesinatu de Jo Cox, y con motivu tamién del votu Brexit. Dichu video remata cola cantante Beth Gibbons estendiendo la so mano escontra los espectadores no qu'apaez una cita de Cox que diz: “Tenemos muncho más de mancomún de lo que nos estrema

Discografía editar

Álbumes editar

Recopilatorios editar

  • Glory Times (1995).

Senciellos editar

  • De Dummy:
    • "Numb" (1994).
    • "Sour Times" (1994).
    • "Glory Box" (1995).
    • "Sour Times" (1995). Re llanzamientu.
  • De Third:
    • "Machine Gun" (2008).
    • "The Rip" (2008).
    • "Magic Doors" (2008).

DVD editar

  • 1998 Roseland NYC Live.

Galería editar

 
Geoff Barrow - Roskilde Festival 2011
Geoff Barrow - Roskilde Festival 2011  
 
Roskilde Festival 2011 - Orange Stage
Roskilde Festival 2011 - Orange Stage  
 
Primavera Sound 2008
Primavera Sound 2008  
 
Primavera Sound
Primavera Sound  
 
Portishead @ Primavera Sound
Portishead @ Primavera Sound  

Referencies editar

Enllaces esternos editar