Premiu Nel Amaro de Teatru Profesional en llingua asturiana o gallegoasturianu

Premiu Nel Amaro de Teatru Profesional en llingua asturiana o gallegoasturianu
	[editar datos en Wikidata]

El Premiu "Nel Amaro" de teatru profesional en llingua asturiana o gallegoasturianu ye un gallardón qu'entama'l Gobiernu d'Asturies p'ayudar a consolidar, arriquecer y prestixar estes dos llingües nel ámbitu del arte dramáticu.

Al premiu pueden presentase obres de compañíes profesionales que yá s'estrenaren n'asturianu o gallegoasturianu, tanto orixinales como versiones o adautaciones de títulos n'otres llingües.

Festival Nel Amaro

Un xuráu formáu por espertos en teatru y llingua asturiana va escoyer d'ente los proyeutos presentaos los cuatro finalistes, que van representar les sos obres nel Festival "Nel Amaro" de teatru profesional en llingua asturiana, entamáu cola ayuda del Conceyu d'Uviéu a lo llargo de los vienres del mes de payares nel Teatru Filarmónica.

Depués de les actuaciones del Festival, el xuráu va decidir cuála ye la compañía o'l grupu teatral ganador, que va recibir como gallardón una pieza artística, amás del compromisu del Gobiernu del Principáu d'Asturies de velar pola promoción y difusión del espectáculu nos medios de comunicación y nos eventos entamaos pol mesmu Gobiernu.

Referencies

Enllaces esternos

Wikimedia Commons tien conteníu multimedia tocante a Premiu Nel Amaro de Teatru Profesional en llingua asturiana o gallegoasturianu.