El presidente d'Irán (en persa: ریاست جمهوری اسلامی ایران ) ye'l xefe del gobiernu qu'alministra la República Islámica d'Irán. El de presidente ye'l cargu electu de mayor rangu del país, solo per debaxo del líder supremu d'Irán, que fai la función de xefe d'Estáu del país (Rahbar-y Nezâm).[1] El Presidente d'Irán ye escoyíu pa un mandatu de 4 años pol votu direutu popular, y nun puede sirvir más de dos mandatos consecutivos, esto ye, 8 años.

Presidente d'Irán
cargu públicu
presidente y xefe de Gobiernu
Titular Seyed Ebrahim Raisi (es) Traducir dende 2021
Residencia Sa'dabad Palace (en) Traducir
Nomáu por Sufraxu universal
Parte de Gobierno de Irán (es) Traducir
Xurisdicción Irán
Estáu Irán
Creación 4 febreru 1980
Suplente Vice President of Iran (en) Traducir
Llista Presidentes de Irán (es) Traducir
Sitiu web https://president.ir
Cambiar los datos en Wikidata

El Capítulu IX de la Constitución de la República Islámica d'Irán establez les calificaciones de los candidatos a la presidencia y los procedimientos pa la eleición, según los poderes y les responsabilidaes del Presidente como "funciones del executivu". Estes inclúin roblar trataos y otros alcuerdos con países estranxeros y organizaciones internacionales, alministrar la planificación nacional, el presupuestu y los asuntos d'empléu estatal, según designar ministros, suxetos a l'aprobación del Parllamentu.[2] Al contrariu que nel sistema executivu d'otros países, el Presidente d'Irán nun tien el control absolutu de la política d'esteriores, les Fuercies Armaes y la política nuclear, una y bones estes tán sol control del Líder Supremu[3]

L'actual Presidente d'Irán ye Hasán Rouhaní, quien asumió'l so cargu'l 3 d'agostu de 2013, tres les eleiciones presidenciales de 2013. Foi'l socesor de Mahmud Ahmadineyad, quien tuvo 8 años nel cargu, de 2005 a 2013.

Historia editar

So la xefatura del ayatolá Jomeini, el cargu de presidente de la república foi eminentemente honoríficu, hasta qu'en 1989 una reforma constitucional esanició'l cargu de primer ministru, tresfiriendo les sos competencies executives al presidencial.

Funciones editar

El presidente puede designar a los miembros del gobiernu.[4] Puede cesar a cualesquier de los miembros del Gobiernu.[5] En siendo aprobáu un proyeutu de llei pola Asamblea Consultiva Islámica, el Presidente ta obligáu de ratificalo, tres lo qu'adquier rangu de llei.[6] Anque según la Constitución el Líder Supremu ye'l Comandante en Xefe de les Fuercies Armaes, un Presidente puede ser designáu como comandante cola aprobación del Líder Supremu. Por casu, el primer Presidente d'Irán, Abolhasán Banisadr, tamién foi comandante de les Fuercies Armaes.[7] El presidente noma al secretariu del Conseyu Cimeru de Seguridá Nacional. Noma a los gobernadores de les provincies[8] y ratifica los embaxadores d'Irán n'otros países, a propuesta del ministru d'Esteriores.[9] Hasta apocayá tiempu, tenía'l poder de nomar a los alcaldes de les ciudaes. Sicasí, se delegó esti poder a les ciudaes, les Asamblees Locales, que son escoyíes direutamente pol pueblu y tán tutelaes pol Parllamentu.

Notes y referencies editar

  1. Constitución d'Irán, principiu 113: El Presidente de la República ye la máxima autoridá oficial del país, dempués del Líder, y tien al so cargu la responsabilidá de cumplir la Constitución y presidir el Poder Executivo, sacante naquellos ámbitos que correspuenden direutamente al líder.
  2. Iran - Constitution Capítulu IX, seición 1 & 2 de la Constitución
  3. Mahmoud Ahmadinejad Consultáu'l 23 de mayu de 2008, (vease tamién l'Artículu 110 de la constitución)
  4. Principiu 133 de la Constitución iranina.
  5. Principiu 136 de la Constitución iranina.
  6. Principiu 132 de la Constitución iranina.
  7. Bani-Sadr is dismissed by Khomeini as chief of Iran Armed Forces. New York Times. 11 de xunu de 1981. http://www.nytimes.com/1981/06/11/world/bani-sadr-is-dismissed-by-khomeini-as-chief-of-iran-armed-forces.html. Consultáu'l 13 de setiembre de 2013. 
  8. Principiu 103 de la Constitución iranina.
  9. Principiu 128 de la Constitución iranina.

Ver tamién editar

Enllaces esternos editar