Progressive Fighting System
Progressive Fighting Systems ye una organización y un sistema de combate ideáu por Paul Vunak, que fuera alumnu de Dan Inosanto, principal alumnu de Bruce Lee. Dientro de les téuniques incluíes nesti sistema de combate tán les mordiyaes y los cabezazos, asina como la llucha en suelu (“groundfighting”).
El PFS ta consideráu un sistema mui eficaz en combates pela cai, dando prioridá a los golpes cola cabeza, rodiyazos, coldazos, al trapping y a téuniques como’l straight blast. Estes téuniques formen la base de lo que ye'l RAT program, el sistema de combate enseñáu a fuercies especiales americanes como los Navy SEAL, desarrolláu por Vunak a pidíu d'elles.
Vunak tien siempre afirmao que'l JKD nun enseña téuniques superiores, sinón que desendolca un combate eficaz y atributos superiores. Nun hai téuniques superiores nes artes marciales, sinón métodos d'entrenamientu superiores. Siempre acordies con esto qu'afirma Vunak, les téuniques de JKD escuéyense d'otres artes marciales. L'envís ye entós usar una téunica pol tiempu más curtiu posible, hasta que la distancia o la situación cambia y esixe otra téunica, al meyor d'otra arte marcial. Esto val tamién pa les téuniques propies ideaes por Vunak, como'l straight blast (rabasera direuta) solmenáu nun reblagu rápidu (apegándose al adversariu) y les téuniques de headbutt (cabezazos), a usar sólo y esclusivamente cuando la situación lo permite. Una carauterística peculiar del PFS ye tamién l'emplegu de proteiciones pesaes por mor de los entrenamientos llamaos crash tests (pruebes de choque) onde se prueben los ataques a contautu plenu.
Los sos Instructores Senior son:
Pedro L. Rodriguez
Martial Zapata
Chris Moran
Lawrence Garcia
Jose Perich