Protohistoria

La protohistoria ye la dómina intermedia ente la Historia y la Prehistoria; esti periodu, más que nos otros históricos, depende principalmente de la situación cultural del pueblu n'estudiu. Asina, la protohistoria ye cuando un pueblu entra na Historia Xeneral a traviés de les referencies d'otra sociedá, pero los elementos culturales del primeru son entá prehistóricos. Tamién considérase a un pueblu como protohistóricu cuando la so escritura nun ye posible conocela ou investigala polo que nun entraríen de motu proprio na dómina histórica, na cuala se forma parte a traviés de la escritura.

Protohistoria
periodu históricu y disciplina académica
historia

Exemplos

Casos paradigmáticos de culturas protohistóriques seríen, ente otres, la etrusca, la íbera, l'astur o las tribus indíxenes actuales de Papúa-Nueva Guinea. Nel casu de los primeros dos pueblos masque presentaben una sociedá estructurada y con una escritura formada y desendolcada, nun conocemos lo qu'esos documentos implicaben o queríen dicir. Nel casu de los astures, por exemplu, son parte de la Protohistoria y non de la Historia, dau qu'entraron nésta a traviés de les referencies de los historiadores grecollatinos. Un casu semeyáu sería'l de les poblaciones indíxenes actuales de l'Amazonia o de Papúa yá que, anque la so sociedá ta anclada na prehistoria (en muitos casos nel neolíticu), la so presencia nos nuesos estudios faen que tea involuntariamente dientru de la Historia.

Otros nomes

Tamién recibe la designación de Prehistoria reciente.

Referencies

• Datos: Q695827