Debian
Debian o Proyeutu Debian (n'inglés Debian Project[2] ) ye una comunidá ensamada por desendolcadores y usuarios, que caltién un sistema operativu GNU basáu en software llibre. El sistema alcuéntrase precompiláu, empaquetáu y nun formatu deb pa múltiples arquiteutures d'ordenador y pa dellos nucleos.
Nació como un apueste por dixebrar nes sos versiones el software llibre del software non llibre. El modelu de desendolcu del proyeutu ye ayenu a motivos empresariales o comerciales, y llévase alantre polos mesmos usuarios, magar que cunta col sofitu de delles empreses en forma d'infraestructures. Debian nun viende direutamente'l so software, sinón que ponlu a disposición de cualesquiera n'Internet, y dexa a persones o empreses distribuyilu comercialmente mentanto se respete la so llicencia[3].
La comunidá de desendolcadores del proyeutu cunta cola representación de Software in the Public Interest[4], una organización ensin ánimu de llucru que da cobertoria llegal a dellos proyeutos de software llibre.
La primer adautación del sistema Debian, siendo tamién la más desendolcada, ye Debian GNU/Linux, basada nel nucleu Linux, y como siempre utilizando ferramientes de GNU. Esisten tamién otres adautaciones con diversos nucleos: Hurd (Debian GNU/Hurd); NetBSD (Debian GNU/NetBSD) y FreeBSD (Debian GNU/kFreeBSD).
El sistema Operativu Debian, tien versión en llingua asturiana.[5]
Referencies
editar- ↑ «Updated Debian 12: 12.8 released» (9 payares 2024). Consultáu'l 10 payares 2024.
- ↑ WHAT is debian? (n'inglés)
- ↑ «A Brief History of Debian, debian.org». Archiváu dende l'orixinal, el 2019-06-10.
- ↑ Donaciones
- ↑ Equipu asturianu de Debian
Datos: Q7715973
Multimedia: Debian
Llibros: Introducción a Linux/Debian
