Pumarín (Xixón)

Pumarín ye un barriu del conceyu asturianu de Xixón.

Pumarín
Alministración
País	España
Autonomía	Principáu d'Asturies
Provincia	provincia d'Asturies
Conceyu	Xixón
Parroquia	Xixón
Tipu d'entidá	barriu
Xeografía
Coordenaes	43°31′32″N 5°40′26″W
Pumarín Pumarín (Asturies)

Delles de les 1500 viviendes de Pumarín na avenida Gaspar García Laviana, una de les víes principales del barriu.

Bloques de viviendes pertenecientes al grupu conocíu como CARSA (Construcciones Ángel Rodríguez, S.A.).

Situación xeográfica

El barriu asítiase nel cuadrante sur de la ciudá. Llenda al oeste cola avenida de la Constitución, al norte cola cai Juan Alvargonzález, al esta cola carretera Carbonera y al sur cola cai Velázquez. Pumarín conéctase direutamente con Uviéu al traviés de l'autovía AS-II que parte de l'Avenida de la Constitución.

Historia

En cuantes a la etimoloxía del topónimu, remanez de la pallabra pumar (yá qu'antiguamente abundaben les pumaraes) y ésta del llatín pomarium por tar dedicáu a la diosa Pomona.

Históricamente foi un barriu obreru desenrolláu nel auxe industrial de mediaos del sieglu XX. Pumarín foi un espaciu verde onde, hasta la década de 1950, namás había caseríes y tenaes. Ye nesa época cuando escomiencen a construyise los grupos de viviendes, d'iniciativa tanto pública como privada, qu'ocupen gran parte de la estensión del barriu.

Güei urbanizóse dafechu adaptándose al sector servicios. Una carauterística pecuñar del barriu ye la so gran cantidá de bares y cafeteríes, sobre too na zona norte del exe de comerciu denomáu Centru Comercial Costa Verde. Como nel restu de barrios de Xixón, Pumarín tamién tien un centru municipal llamáu Centru Integráu Xixón-Sur que contién delles instalaciones como biblioteca, sala d'estudiu, sala d'actos, mostradores datención al ciudadanu, piscines, ximnasiu, pistes de baloncestu y fútbol sala, etc..., y ondese realicen bien d'actos culturales como obres de teatru, conciertos, esposiciones fotográfiques, ciclos de cines y demás actividaes programaes pol Ayuntamientu de Xixón o por iniciatives d'agrupaciones y diversos coleutivos.

Bibliografía

• (2002). Los barrios del Sur: Historia de Roces, Contrueces, Montevil, Santa Bárbara, Pumarín, Polígono de Pumarín, Nuevo Gijón, Perchera y La Braña. Ayuntamientu de Xixón. ISBN 84-89466-29-7.

Enllaces esternos

• Wikimedia Commons acueye conteníu multimedia sobre Pumarín .

• Datos: Q6092786
• Multimedia: Pumarín, Gijón