Puntallana

Puntallana
Alministración
País	España
Autonomía	Canaries
Tipu d'entidá	conceyu d'España
Alcalde de Puntallana (es)	Víctor Manuel Guerra Hernández
Nome oficial	Puntallana (es)
Nome llocal	Puntallana (es)
Códigu postal	38715
Xeografía
Coordenaes	28°44′20″N 17°44′43″W / 28.7388409°N 17.7453051°O
	Puntallana Puntallana (España)
Superficie	35 km²
Altitú	420 m
Llenda con	San Andrés y Sauces, Santa Cruz de La Palma y El Paso
Demografía
Población	2605 hab. (2023); - 1244 homes (2019); - 1262 muyeres (2019)
Porcentaxe	0.12% de Canaries
Densidá	74,43 hab/km²
Más información
Estaya horaria	UTC+01:00
	puntallana.es

Puntallana ye un conceyu canariu perteneciente a la provincia de Santa Cruz de Tenerife. Ta asitiáu nel nordeste de la islla de La Palma.

Tien una estensión de 35,09 km² y una población de 2.460 habitantes (Institutu Nacional d'Estadística, xineru 2007). La so altitú ye de 420 metros sobre'l nivel del mar y tien un llargor de mariña de 12,95 km, onde ta'l puntu más oriental de la islla. Atópase a 10 km de la capital de la islla, Santa Cruz de La Palma.

Xeografía

Puntallana parte con Santa Cruz de La Palma pol Ribayu Secu al sur, y con San Andrés y Sauces pol Ribayu de La Galga al norte. Na so llende col conceyu d'El Pasu atopa la cume más altu, Piedrallana, de 2200 metros d'altor. La mariña ye acantilada en términos xenerales, pero ente les zones conocíes como Martín Luis y El Rancón ye relativamente baxa, d'ende'l nome del conceyu. Lo más carauterístico del so relieve son dos conxuntos de montes alliniaos. Ente les más destacaes tán la de Tenagua, Estalero o Abiseros, Zamagallo, Loral, Siete Cejos o Xuegu de La Bola y La Galga. Por ello, Puntallana ye conocíu como'l pueblu de los nueve montes.

Historia

Na dómina aborixe, l'actual territoriu de Puntallana correspondía col cantón benahoarita de Tenagua, que'l so últimu xefe foi Atabara. Tres la conquista castellana asítiase un gran númberu de colonos que, gracies a les favorables condiciones climátiques de la zona, empiecen a desenvolver una agricultura basada nel trigu, lo que fai que'l conceyu empiécese a conocer como la tenada de la islla. Tamién dende bien temprana dómina apaecen les primeres ilesies, como la de San Juan Bautista, la Ermita de Santa Lucía o la de San Bartolomé en La Galga, pero amás les primeres cases señoriales como la Facienda de Don Juan Fernández de Lugo en Santa Lucía o la Casa Luján. Al igual que munchos palmeros, los habitantes de Puntallana tuvieron la necesidá d'emigrar a otros llugares, sobremanera a América. A Partir de la segunda metá del Sieglu XX, les condiciones de vida ameyoraron notablemente (Construcción de la Carretera del Norte, llegada de la eletricidá, meyores nel suministru de l'agua, etcétera), mientres pasu ente pasu díbase sustituyendo'l cultivu del trigu pol de la vide, hortolices, frutales y sobremanera, el plátanu.

Llugares d'interés

Cardonal de Martín Luis

Cardonal de Martín Luis: Al pie de la carretera que conduz dende Tenagua escontra Martín Luis, esti espaciu natural acueye la mayor reserva de la islla de cardones (Euphorbia canariensis). Trátase d'un interesante nucleu d'esti endemismu canariu, que ta incluyíu ente los espacios protexíos pol Gobiernu de Canaries conocíu como Sitiu d'Interés Científicu del Ribayu de l'Agua.

Sablera de Nozales

Sablera de Nozales: Trátase de la sablera de sable negru más llarga de la islla. Asitiada al pie de un gran cantil, apuértase al traviés d'un camín d'escaleres. Ye considerada por munchos como una de les sableres más belles de Canaries, anque alluga cierta peligrosidá poles corrientes de la zona.

Casa Luján: Casona colonial del sieglu XVII d'arquiteutura canaria, utilizada como conceyu y escuela hasta la década de los 80 y que güei alluga un Muséu Etnográficu y Centru de promoción y venta de productos artesanales.

Cubu de La Galga

Cubu de La Galga: Ye unu de los montes de laurisilva meyor calteníos de la islla, por cuenta de la esistencia nél d'una fonte. Alluga gran cantidá de flora como felechos, fayas, viñátigos, lloreos, acebiños, tilales, etc. Apuértase al traviés d'un senderu nel que puede reparase en tou la so rellumanza. Formó parte de la Reserva de la Biosfera de La Palma dende la so creación, dientro del Parque natural de Les Nieves.

Lleendes

La lleenda más conocida del conceyu ye la del Saltu del Namoráu. Cunta la tradición qu'un pastor namorárase d'una nueva doncella que, cansada de les sos pretensiones, propón-y una prueba suicida pa llograr el so amor: dar trés vueltes con una llanza sobre un cantil del barriu de La Galga. El valiente cabreru aceptó'l retu y dio la primera d'eses vueltes glayando ¡Nel nome de Dios!, la segunda dixo ¡Nel nome de La Virxe!. Cuando dio la tercera esclamó ¡Nel nome de la mio amada, que yá la tengo ganada!, pero'l valiente mochachu perdió l'equilibriu y cayó al vaciu. Dende entós el llugar ye conocíu como El Saltu del Namoráu, y dedicóse una estatua al pastor nel Monte de La Galga.

Población

Barrios

La Galga
El Granel
San Juan de Puntallana
Santa Lucía
Tenagua

Evolución demográfica

Añu	Población	Densidá
1991	2.201	62,72/km²
1996	2.249	64,09/km²
2001	2.337	66,77/km²
2002	2.364	67.37/km²
2003	2.364	67.37/km²
2004	2.380	68.69/km²
2006	2.368	67,48/km²
2009	2.460	70,11/km²
2015	2.372	67,58/km²