Pupa (metamorfosis)
La pupa ye l'estáu pol que pasen dellos inseutos nel cursu de la metamorfosis que los lleva del estáu de bárabu al de imago o adultu.[1]
A diferencia de los otros dos, el de pupa ye un estáu de relativa inactividá aparente. Munchos despíntense o zarrense nuna cápsula pa protexese mientres los órganos xuveniles se reabsorben y l'organismu adopta una estructura totalmente distinta. Nun s'alimenten y suelen tar inmóviles, anque les pupes de los mosquitos tienen tanta capacidá de movimientu como los bárabos, pa evitar los depredadores. Namái los inseutos holometábolos pasen por un estadiu de pupa y ye esta transición lo que carauteriza a la subclás Endopterygota, que toma más de 700 000 especies nos órdenes Megaloptera, Neuroptera, Raphidioptera, Coleoptera, Strepsiptera, Hymenoptera, Lepidoptera, Trichoptera, Diptera, Mecoptera y Siphonaptera.
Mientres esta fase, progresivamente desenvuelve pates y ales, que nun tán presentes nel bárabu, y el so cuerpu adopta la carauterística estructura tripartita de cabeza, tórax y abdome. El procesu puede llevar malapenes un par de selmanes, como en delles caparines, o sirvir adicionalmente como fase de reposu na que l'inseutu espera que les condiciones ambientales tórnense favorables; delles pupes pasen nesa forma toa l'iviernu, o los meses más templaos nel trópicu.
Crisálida
editarEn munchos lepidópteros, la pupa denomínase crisálida; les crisálides (del griegu χρυσος, chrysos, «oru») tán ente les formes más vistoses que puede adoptar una pupa, y al ser polo común superficiales son, probablemente, l'exemplu más familiar. La mayoría de les crisálides de caparina cuélguense mientres tol procesu d'un pedúnculu sedosu producíu po la canesba —llamada «cremáster»—, y despíntense ente la xamasca pa protexese.
Brotu
editarLes pupes de les poliyes y munches caparines nocherniegues, otra manera, suelen ser escures y prefieren soterrase nel suelu o envolubrase nun brotu; el más famosu d'estos brotos ye'l que produz Bombyx mori, el guxán de seda, formáu por un perllargu filu de seda. Na eclosión, l'inseutu yá adultu ruempe'l brotu o eslléilu escretando un líquidu ad hoc; na producción de seda, poro, los brotos que s'abren primero que la crisálida completara la so evolución provoquen la muerte del animal.
Pupario
editarLes mosques muscomorfes formen un pupariu. Ye dicir que'l bárabu nel so últimu estadiu zárrase dientro de la exocadarma que lu sirve de cubierta proteutora.
Galería
editar-
Una gata de mariposa emperador texendo'l brotu. -
Brotu y pupa de caparina lluna. -
Brotos de caparina lluna. -
Caparina lluna saliendo del brotu. -
Pupa de caparina lluna fora del brotu. -
Pupa de fritilaria en Georgetown, Carolina del Sur. -
Pupación de Inachis io. -
Pupa de mariposa monarca, Danaus plexippus.
Referencies
editar- ↑ (castellán) http://etimologias.dechile.net/?crisa.lida Crisálida
- Coronado, R. R.; Márquez, P. A. (1985). Coronado, R. R.; Márquez, P. A. (1985). Introducción a la entomología. Morfología y taxonomía de los insectos. Méxicu: Limusa. ISBN 968-18-0066-4.
