Quesu de Bota o de Vexiga
El quesu de Bota o de Vexiga ye un quesu ellaboráu na Comunidá Autónoma del Principáu d'Asturies (España).
| Quesu de Bota o de Vexiga | |
|---|---|
 | |
| Materia graso | 59% |
 | |
Ellaboración editar
Para la so ellaboración utiliza una bota, de piel del corderu o cabra, enllenándose ésta de lleche de vaca. Tien de dexase lleldar colgada al calor de la lleña hasta que tea dura y el so conteníu menguara más de la metá. Ye entós, tres unos trés meses, cuando se saca'l quesu a diversos recipientes llistu para tomar. El quesu de bota suel ellaborase mientres l'iviernu, cuando les vaques nun salen a pastiar, y para faelo úsense les primeres lleches de les vaques recién paríes, que son les más fuertes.
Característiques editar
La pasta ye cremoso, escelente para untar. Ye de color blanco-amarellentáo, tien golor bien particular, y un sabor bien fuerte, amargosu y picante, polo que s'encamienta tomalo en pequeñes cantidaes y con pan.
Zona d'ellaboración editar
Esti quesu ye típicu del conceyu asturianu de Quirós, anque práuticamente yá nin esiste pos los vecinos que conocen el so procesu d'ellaboración arralecen y, amás, la so producción ye casera yá que por que se comercialice primero hai que topar un métodu más modernu que cunte con rexistru sanitariu.
Ver tamién editar
Referencies editar
- «Todo sobre quesos - Mundoquesos» (20 de payares de 2011). Consultáu'l 24 de xunetu de 2015.
Datos: Q20727684
Multimedia: Queso de Bota o de Vexiga
