R Coronae Borealis (R CrB) ye una estrella superxigante mariella na constelación de Corona Boreal, prototipu d'un tipu d'estrelles variables que lleven el so nome. La mesma R Coronae Borealis ye una estrella que la so magnitú aparente normal ye +5,89, pero en ciclos que van dende dellos meses a munchos años, el so rellumu se atenúa hasta magnitú 14. Por ello llamó-ylo «Estrella menguante» o «Nova reversible».

Ficha d'oxetu celesteR Coronae Borealis
estrella[1], post-AGB star (en) Traducir[2], Estrella variable[3], Estrella variable R Coronae Borealis (es) Traducir[3], emission-line star (en) Traducir[2], near-IR source (en) Traducir[2] y UV-emission source (en) Traducir[2]
Datos d'observación
Ascensión reuta (α) 237,14339784473 °[4]
Declinación (δ) 28,1567488479 °[4]
Distancia a la Tierra 1313,1976 pc
Magnitú aparente (V) 5,71 (banda V)
Constelación Corona Borealis
Velocidá de rotación 17,77 km/s[7]
Velocidá radial 27,83 km/s[7]
Parallax 1,4366 mas[4]
Gravedá superficial 36 cm/s²[8]
Tipu espectral G0Iep[9]
Otros nomes
Cambiar los datos en Wikidata

Coordenaes: Sky map 15h 48m 34.415s, 28° 9 24.296

Carauterístiques editar

R Coronae Borealis ye unes 10.000 vegaes más lluminosa que'l Sol —esta cifra ye namái averada yá que nun se conoz con exactitú la distancia a la que s'atopa— y tien una temperatura superficial de 5000 - 5500 K. El so radiu ye unes 100 vegaes más grande que'l radiu solar pero la so masa ye de namái 0,8 mases solares.

L'espectru de R Coronae Borealis revela namái traces d'hidróxenu, lo que lleva a pensar que les sos actuales capes esternes tán formaes fundamentalmente d'heliu y que la estrella espulsó la so capa esterna d'hidróxenu orixinaria va tiempu. Sofita esta idea'l fechu de que R Coronae Borealis sía especialmente rica en carbonu, elementu resultante de la fusión nuclear del heliu. La so elevada lluminosidá conduz a una acusada perda de masa, unes 100.000 vegaes superior a la esperimentada pol Sol debíu al vientu solar.

Variabilidá editar

La variabilidá de R Coronae Borealis afayóse apocayá más de 200 años pol astrónomu Edward Pigott. Créese que'l peculiar comportamientu de R Coronae Borealis débese a l'acumuladura de polvu de carbonu na atmósfera de la estrella. La súbita cayida na lluminosidá pue ser producida pola rápida condensación de polvu, que fai qu'una gran cantidá de lluz nun pueda salir. En determinaos momentos taríamos reparando non la estrella en sí sinón la envoltura de polvu interna que la arrodia, que la so temperatura ye llixeramente inferior a 900 K; dicha envoltura empieza a unos 100 radios estelares y tien aproximao 25 años lluz de diámetru. La vuelta gradual al rellumu normal sería la resultancia de la dispersión de dichu polvu pola presión de radiación.

Orixe de les estrelles R Coronae Borealis editar

Esisten dos teoríes distintes pa esplicar l'orixe d'esta clase d'estrelles. La primera d'elles sostién que mientres la evolución escontra una nana blanca ordinaria, nel fondu interior estelar produzse una violenta fusión d'heliu qu'espande les capes esternes a proporciones de superxigante. La segunda teoría afirma qu'estes estrelles son la resultancia de la fusión de dos nanes blanques d'un sistema binariu. Dambes teoríes impliquen la espansión de nanes blanques a la fase de superxigante. Piénsase que na vida d'una estrella esta etapa ye bien curtia, del orde de 1000 años, yá que son bien poques les estrelles d'esti tipu que se conocen.

Ver tamién editar

Referencies editar

  1. Afirmao en: SIMBAD. Llingua de la obra o nome: inglés. Data de consulta: 10 marzu 2014.
  2. 2,0 2,1 2,2 2,3 Afirmao en: SIMBAD.
  3. 3,0 3,1 Afirmao en: General Catalogue of Variable Stars.
  4. 4,0 4,1 4,2 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
  5. Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
  6. Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
  7. 7,0 7,1 Lynne A. Hillenbrand (20 abril 2007). «High-Dispersion Optical Spectra of Nearby Stars Younger Than the Sun» (n'inglés). The Astronomical Journal (6):  páxs. 2524-2536. doi:10.1086/514336. 
  8. «Parameters and abundances in luminous stars» (n'inglés). The Astronomical Journal (6):  páxs. 137. 2 mayu 2014. doi:10.1088/0004-6256/147/6/137. 
  9. Afirmao en: Supergiants with large IR excesses. Stated in source according to: SIMBAD. Páxina: 5–29. Data d'espublización: 1997.

Coordenaes:   15h 48m 34.415s, 28° 9 24.296