Radiu de Schwarzschild
El radiu de Schwarzschild ye la midida del tamañu d'un furacu negru de Schwarzschild, esto ye, un furacu negru de simetría esférica y estáticu. Correspóndese col radiu aparente del horizonte de sucesos, espresáu en coordenaes de Schwarzschild.
*El radiu de Schwarzschild (rs) representa la capacidá de la masa pa causar combadura nel espaciu y el tiempu.
*El parámetru gravitatoriu estándar (μ) representa la capacidá d'un cuerpu masivu pa exercer fuercies gravitacionales newtonianes sobre otros cuerpos.
*La masa inercial (m) representa la respuesta newtoniana de la masa a les fuercies.
*La enerxía de descansu (Y0) representa la capacidá de la masa pa convertise n'otres formes d'enerxía.
*La llonxitú d'onda Compton (λ) representa la respuesta cuántica de la masa a la xeometría llocal.
Cuidao que'l tamañu d'un furacu negru depende de la enerxía absorbida pol mesmu, cuanto mayor ye la masa del furacu negru, tanto mayor ye'l radiu de Schwarzschild, que vien dada por:
onde:
- G ye la constante gravitatoria,
- M ye la masa del oxetu y
- c ye la velocidá de la lluz.
Esta espresión topóla Karl Schwarzschild en 1916 y constitúi parte d'una solución exauta pal campu gravitacional formáu por una estrella con simetría esférica non rotante. La solución de Schwarzschild foi la primer solución exauta atopada pa les ecuaciones de la relatividá xeneral. El radiu de Schwarzschild ye proporcional a la masa del oxetu. El radiu de Schwarzschild pa la masa del Sol ye de 3 km ente que'l radiu de Schwarzschild d'un oxetu de la masa terrestre ye de namái 8,8897 mm. El furacu negru supermasivu del centru galácticu tien una masa d'unos 4 millones de mases solares y el so radiu ye, aproximao, de 12 millones de quilómetros (unos 40 segundos lluz).
Ver tamién
editar- Karl Schwarzschild
- Furacu negru de Schwarzschild
- Métrica de Schwarzschild
- Nave estelar de furacu negru