Rafael Rodríguez Urrusti
Rafael Rodríguez Urrusti foi un escultor español y artista autodidacta que trabayaba preferentemente el fierro; nació n'Uviéu, Principáu d'Asturies, el 22 d'agostu de 1922 y finó na so ciudá natal nel añu 2000.[1][2][3]
Rafael Rodríguez Urrusti | |
|---|---|
| Vida | |
| Nacimientu | Uviéu, 22 d'agostu de 1922 |
| Nacionalidá |
 España |
| Muerte | Uviéu, 5 d'ochobre de 2000 (78 años) |
| Estudios | |
| Llingües falaes | castellanu |
| Oficiu | escultor |
| Trabayos destacaos |
Ismael Fuente (es)  Homenaje a Marino Lejarreta (es) Calamón (es) |
 | |
Biografía editar
Estudió na Escuela d'Aprendices de la Fábrica d'Armes, trabayando nella como axustador y maestru armeru, hasta 1960 (un periodu de 21 años). La so vocación artística llevábalu a emplegar el so tiempu llibre al forxáu del fierro, actividá que-y fixo acabar montando un taller onde empezó a realizar les sos obres. Finalmente decide, en 1960 abandonar el so trabayu na Fábrica d'Armes, y dedicase por completu al llabor escultóricu. Funda agora un taller de cerrajería y de rejería pa la realización d'encargos, en Buenavista. Realizó la so primer esposición en 1975.[1][2][3][4]
Realizó pequeñes obres pa Artespaña, lo cual dexó-y vender en Hispanoamérica y Europa y recibir numberoses reconocencies (anque la reconocencia internacional del so trabayu llegó-y del encargu de los centros asturianos en Llatinoamérica, pa los que fizo figures del rei Pelayo, ente les que destaca la del centru arxentín de Buenos Aires[5]). En 1976 foi nomáu Maestru Mayor de los artesanos d'Asturies y en 1977 créase'l «San Mateo de fierro», premiu añal col que pretende reconocese y sopelexar les virtúes de los asturianos del mundu de les artes, les ciencies o asemeyaes.[1][2][3]
Finó n'Uviéu'l 5 d'ochobre del añu 2000, a los 78 años d'edá.[1][2][3][5]
El 6 de febreru de 2001 el Conceyu d'Uviéu aprobó que la cai que entronca cola de Villafría y remata na Plaza Luis Estrada pasara a denominase de Rafael Urrusti.[1][2]
Estilu editar
Según María del Carmen Menéndez Fernández, la so creación artística puede considerase más figurativa qu'astracta, pudiéndose estremar dos estilos: unu que da orixe a una etapa más clásica, na que predomina la masa, y otru, más vanguardista, con predominiu del vacíu, con teniendo l'espaciu como elementu escultóricu.[4]
Les sos obres fáense utilizando como materiales chapes, perfiles industriales o chatarra, trabayaes con soldadura llétrica y una téunica carauterística, sobremanera nel acabáu, con pieces de testura rugosa y un aspeutu de cutiu de cera dilida.[4]
Temática editar
Al respective de la temática de la so obra, na producción de Urrusti ocupen un llugar destacáu les figures y los símbolos de la hestoria y la tradición asturiana; magar ello pueden destacar tamién la so obra relixosa, según representación d'animales y personaxes cotidianos.[4]
Producción artística editar
La so obra compuesta por delles coleición privaes y, escultures urbanes tremaes peles cais d'Uviéu, completar con dellos murales, faceta que puede contemplase en dellos edificios públicos de Xixón y Mieres, onde se caltienen dellos exemplos destacaos de los mesmos.[3]
Uviéu, la so ciudá natal, acueye una muestra del so arte, destacando ente les sos obres los dos murales de la sede central de l'antigua Caxa d'Aforros d'Asturies, que representen el trabayu, la cultura y l'obra social realizada pola entidá, dambes realizaes en chapa de fierro. Tamién destaquen un retruque a gran escala de la Cruz de la Victoria, asitiada nel monumentu al Sagráu Corazón de Jesús nel Monte Naranco; los paneles de la Estación del Norte; el panel a la entrada del barriu del Otero; la pieza dedicada al evanxelista San Mateo pa festexar la fiesta del Pantocrator; les imáxenes de San Juan, San Mateo y San Pedro, na fachada de la Ilesia de San Xuan el Real; la rejería del Muséu de Belles Artes d'Asturies, etc.[1][2][5]
Por tanto, pueden contemplase escultures urbanes d'esti escultor na ciudá d'Uviéu, práuticamente toes realizaes en fierro, tales como:[1][2]
- “Méndigu con perros”, 1995, sita na plaza Pedro Miñor.
- “ Ismael Fonte”, 1995, nel parque Ismael Fonte.
- “XX Trobada mundial de peñes barcelonistas”, 1996, nel paséu Antonio García Oliveros.
- “San Mateo”, 1996, sita na cai San Mateo.
- “60º Congresu A.I.P.S. y José Miguel Cano Secades”, 1997, nel paséu Antonio García Oliveros
- “Murales de la estación de Renfe”, 1980, allugaes nel «hall» de l'antigua estación de Renfe (güei estación conxunta Renfe-Feve), a la fin de la cai Uría.
- “Homenaxe a Marino Lejarreta”, 2003, sito na Mazaneda.
- “Calamón”, 2000, nel pueblu de Mazaneda, a unos 6 km d'Uviéu.
Referencies editar
- ↑ 1,0 1,1 1,2 1,3 1,4 1,5 1,6 José Ramón Texo, Les nueves cais d'Uviéu, Uviéu 2005.
- ↑ 2,0 2,1 2,2 2,3 2,4 2,5 2,6 http://el.tesorodeoviedo.es/index.php?title=Rafael_Rodr%C3%ADguez_Urrusti
- ↑ 3,0 3,1 3,2 3,3 3,4 https://elpais.com/diario/2000/10/07/agenda/970869603_850215.html
- ↑ 4,0 4,1 4,2 4,3 «Rafael Rodríguez Urrusti. El llinguaxe del fierro», María del Carmen Menéndez Fernández, llibru publicáu en 1998.
- ↑ 5,0 5,1 5,2 http://www.vivirasturias.com/asturias/oviedo/rodriguez-urrusti-rafael/ye
Datos: Q17329465
Multimedia: Rafael Rodríguez Urrusti
