Ramón María López Acevedo

Ramón María López Acevedo (1785, Tapia – 1826) foi un escritor, humanista, periodista y poeta asturianu.

Ramón María López Acevedo
Vida
Nacimientu	Tapia, 1785
Nacionalidá	España
Muerte	1826 (40/41 años)
Estudios
Llingües falaes	castellanu
Oficiu	escritor, periodista, poeta
Xéneru artísticu	poesía

Biografía

Foi caderalgu de llatinidá en Grau y darréu n'Uviéu. En 1808 yera profesor interín de Prosodia na Universidá d'Uviéu. Collaboró en El Correo Militar y Político de Castropol (1810) y en El Observador de Asturias (Uviéu, 1813). Publicó Oda a la muerte del Excelentísimo señor don Gaspar Melchor de Xovellanos, Uviéu, 1811, ya Himno patriótico con motivo de la llegada a Oviedo del Regimiento de Asturias, Uviéu, 1814. Foi sociu de la Sociedá Económica d'Amigos del País ya intentó el teatru cola pieza A la fin trunfa la virtud y otres que nun fueron impreses. Lliberal mientres el Trieniu Constitucional, redactó n'Uviéu El Ciudadano (1820), Ensalada Periodística (1820), El Momo (1820-1821) y, en Madrid, collaboró en El Espectador (1821-1822) sol pseudónimu de El Momo, precisamente. Publicó'l diálogu El buen cura y sus feligreses (Uviéu, 1820), onde defendía una interpretación moderada de la Constitución de Cádiz, y dedicóse a la enseñanza de les humanidaes n'Uviéu. En 1823 foi nomáu secretariu del Gobiernu políticu de Santander, pero la invasión francesa torgó-y tomar posesión; quixo entamar la resistencia en Xixón y otres llocalidaes, pero tuvo qu'embarcase en La Coruña y colar a Londres. Ellí editó en collaboración con Pedro Pascasio Fernández Sardinó El Español Constitucional (1824-1825), nel que s'anunció como profesor d'humanidaes y de violín. Volviérase tan radical como Sardinó, hasta'l puntu de sentir como necesaria una dictadura como pasu previu necesariu pa la creación d'una democracia n'España, según Alberto Gil Novales. Escribió un poema burlesco contra'l Duque d'Angoulême, La Angulemaida, y topábase trabayando nun proyeutu de llingua universal cuando morrió.

Bibliografía

• Diccionario Biográfico del Trienio Liberal, Madrid: El Museo Universal, 1992.

Enllaces esternos

• Datos: Q5474281