Real Orde del Méritu Deportivu

Real Orde del Méritu Deportivu
	orde y condecoración civil (es)
Direición	España
Historia
Fundación	18 xunu 1982
Participación empresarial
Formáu por	Gran Cruz de la Real Orde del Méritu Deportivu; Medaya d'Oru de la Real Orde del Méritu Deportivu; Placa de Oro de la Real Orden del Mérito Deportivo (es) ; Medalla de Plata del Mérito Deportivo de España (es) ; Medalla de Bronce del Mérito Deportivo de España (es)
	Web oficial

La Real Orde del Méritu Deportivu ye la más alta distinción que se da al deporte n'España. Concédese añalmente pol Gobierno de la Nación al traviés del Conseyu Cimeru de Deportes, estableciéndose distintos rangos y categoríes.

La Constitución española de 1978, na so "artículu: 43.3", consagra como principiu rector na actuación de los poderes públicos el fomentu de la educación física y el deporte y facilitar el fayadizu usu del ociu. En plena conformidá con esti mandatu constitucional, la Llei Xeneral de la Cultura Física y del Deporte atribúi a los poderes públicos y especialmente al Estáu, amplies atribuciones pa impulsar, promocionar y espublizar la Cultura Física y el Deporte. Por tal motivu foi creada la orde por aciu Real Decretu 1523 del 18 de xunu de 1982.

Carauterístiques

Apurre de les Medayes y Plaques de la ROMD (2015).

Les Les Neñes d'Oru Neñu d'Oru y l'Equipaso de ximnasia rítmica na entrega de Medayes de la ROMD (2015).

Pueden ser reconocíos los españoles que s'estremaren notoriamente na práutica del deporte, nel fomentu y enseñances de la educación física, o qu'emprestaren eminentes servicios na investigación, espardimientu, organización y desenvolvimientu de la cultura física y del deporte. Tamién los estranxeros qu'hayan emprestáu servicios estraordinarios y desinteresaos en favor de la cultura física o'l deporte español o les corporaciones, federaciones, clubs o agrupaciones deportives, y aquellos otros organismos o entidaes públiques o privaes acreedores a tal distinción por dalgún de los motivos espresaos nos apartaos precedentes.

L'ingresu podrá realizase a propuesta del presidente del Conseyu Cimeru de Deportes, en virtú de moción razonada de les federaciones españoles, clubes o agrupaciones deportives o de corporaciones, entidaes o organismos públicos.^[2]

Estructura

La so Maxestá'l Rei d'España ye'l Maestre de la Real Orde del Méritu Deportivu asistíu por un Canciller que ye'l Secretariu d'Estáu Presidente del Conseyu Cimeru de Deportes y un Vicecanciller, que ye'l Direutor Xeneral de Deportes. El Fiscal de la Real Orde del Méritu Deportivu va ser designáu pol Canciller, a propuesta del Vicecanciller.

La Secretaría de la Real Orde del Méritu Deportivu va corresponder a un emplegáu públicu del Conseyu Cimeru de Deportes, que va ser designáu pol Secretariu d'Estáu Presidente del Conseyu Cimeru de Deportes. Na Secretaría tramitaránse los espedientes, van estendese los títulos y certificaos y van curiase los documentos y sellos de la Orde y los llibros rexistro correspondientes.^[3]

Tratamientos

Los titulares de la Gran Cruz van tener el tratamientu de Excelentísimo señor, los de Medaya d'Oru de Ilustrísimo señor, los de Medaya de Plata de Señoría. Cuando la distinción sía la Medaya de Bronce o correspuenda a persones xurídiques, Organismos o Entidaes, nun va esistir tratamientu especial.

Desposesión de distinciones

L'engraciáu con cualesquier de les categoríes que fuera sentenciáu pola comisión d'un delitu maldosu o pública y notoriamente incurriera n'actos contrariu a les razones determinantes de la concesión de la distinción va poder, en virtú d'espediente empecipiáu d'oficiu o por denuncia motivada, y con intervención del Fiscal de la Real Orde, ser quitáu del títulu correspondiente a la distinción concedida, decisión que correspuende a quien la dio.

Categoríes del gallardón

A títulu individual:
- Máxima condecoración: Gran Cruz de la Real Orde del Méritu Deportivu
- Máximes distinciones: Medaya d'Oru, Medaya de Plata y Medaya de Bronce
A persones xurídiques, organismos o entidaes:
- Tres categoríes: Placa d'Oru, Placa de Plata y Placa de Bronce

Ver tamién

Referencies

↑ Órdenes civiles. Heraldaría. Consultáu 20 d'avientu de 2012.
↑ boe.es (ed.): «Real Decretu 694/2010, de 20 de mayu, pol que se modificar el Real Decreto 1523/1982, de 18 de xunu, pol que se crea la Real Orde del Méritu Deportivu» (22 de mayu de 2010). Consultáu'l 13 de xunu de 2016.
↑ boe.es (ed.): «Orde PRE/1340/2010, de 21 de mayu, pola que se modificar la Orde de 24 de setiembre de 1982, pola que s'aprueba'l Reglamentu qu'establez les Ordenances de la Real Orde del Méritu Deportivu» (24 de mayu de 2010). Consultáu'l 1 de marzu de 2014.

Enllaces esternos

Real Orde del Méritu Deportivu (enllaz rotu disponible n'Internet Archive; ver l'historial y la última versión). en CSD.es

[heraldaria-1] Órdenes civiles. Heraldaría. Consultáu 20 d'avientu de 2012.

[2] .es (ed.): «Real Decretu 694/2010, de 20 de mayu, pol que se modificar el Real Decreto 1523/1982, de 18 de xunu, pol que se crea la Real Orde del Méritu Deportivu» (22 de mayu de 2010). Consultáu'l 13 de xunu de 2016.

[3] .es (ed.): «Orde PRE/1340/2010, de 21 de mayu, pola que se modificar la Orde de 24 de setiembre de 1982, pola que s'aprueba'l Reglamentu qu'establez les Ordenances de la Real Orde del Méritu Deportivu» (24 de mayu de 2010). Consultáu'l 1 de marzu de 2014.

[2]

[3]

Real Orde del Méritu Deportivu
orde y condecoración civil ^(es)

Direición	España
Historia

Fundación	18 xunu 1982
Participación empresarial
Formáu por	Gran Cruz de la Real Orde del Méritu Deportivu Medaya d'Oru de la Real Orde del Méritu Deportivu Placa de Oro de la Real Orden del Mérito Deportivo ^(es) Medalla de Plata del Mérito Deportivo de España ^(es) Medalla de Bronce del Mérito Deportivo de España ^(es)
Web oficial