Reconocencia

La reconocencia ye una figura del drechu internacional por mor de la qu'un estáu reconoz la esistencia d'otru estáu o d'un nuevu gobiernu d'un estáu que yá esistía. Ye de calter unillateral y discrecional, poro, pue emplegase la reconocencia como instrumentu políticu, sobremanera en países en guerra civil, nos que la reconocencia de namái qu'ún de los gobiernos tien arreyáu un sofitu implícitu d'esta opción a la escontra d'otres.

Polo xeneral, la reconocencia suel facese acordies cola situación real, y lo más habitual ye reconocer al gobiernu que tien xurisdicción efeutiva. Sicasí, casos nos que la reconocencia nun se fixo por cuestión política, son el non-reconocimientu por parte la República de Méxicu p'hacia'l réxime del xeneral Franco. Méxicu siguió reconociendo al gobiernu nel exiliu de la República Española como l'únicu válidu del estáu español.