Rede Iberoamericana de Terminoloxía
La Rede Iberoamericana de Terminoloxía (RITerm), creada en 1988, ye una rede d'intercambiu y de trabayu nel área de la terminoloxía. RITerm tien por oxetivu establecer una canal de cooperación ente los sos miembros pa consolidar les terminoloxíes nos países de fala española y portuguesa.
RITerm actúa nes siguientes árees:
- Escoyeta ya intercambiu d'información terminolóxica y factográfica ente los miembros de la rede con cuenta de fomentar la compatibilidá ente sistemes, formatos, preseos metodolóxicos, etc., nel área de la terminoloxía.
- Cooperación pa la planificación y el desenvolvimientu de proyeutos rellacionaos cola área de la terminoloxía y/o inxeniería de la conocencia, bancos de datos terminolóxicos, lexicográficos, testuales, etc., llingüística computacional, informática aplicada a la terminoloxía, planificación terminolóxica, etc.
- Creación d'un bancu de datos terminolóxicos pa la rexón.
- Collaboración nos programes de formación en terminoloxía de los miembros de la Rede, pa promover el desenvolvimientu y l'espardimientu de la terminoloxía como disciplina (por aciu programes académicos, pasantías, alcuentros, boletinos informativos, etc.).
- Realización d'un Simposio de Terminoloxía, con una periodicidad de dos años, entamáu conxuntamente cola Asamblea Xeneral (Caracas-1988, Brasilia-1990, San Millán de la Cogolla-1992, Buenos Aires-1994, Méxicu D.F.-1996, L'Habana-1998). El VII Simposio Iberoamericanu de Terminoloxía tuvo llugar en Lisboa, Portugal, en payares de 2000; el VIII en Cartagena de Indias, Colombia, en payares de 2002; el IX en Barcelona, España, en payares de 2004; el X en Montevideo, Uruguái, n'ochobre de 2006; y el XI en Lima, Perú, n'ochobre de 2008.
Alderique Terminolóxicu
RITerm publica igualmente la revista Alderique Terminolóxicu que pretende ser un mediu d'espardimientu ya intercambiu d'idees rellacionaes cola terminoloxía ente los miembros d'esta rede.
Referencies
editar- RITerm. «RITerm» (castellanu, portugués y catalán). Archiváu dende l'orixinal, el 2009-02-18. Consultáu'l 5 d'abril de 2009.