Rede de Biblioteques Públiques del Principáu d'Asturies

Rede de Biblioteques Públiques del Principáu d'Asturies
	biblioteca
Direición	España

Historia

N'Asturies les primeres biblioteques de calter públicu, nun siendo les de la Universidá d'Uviéu y del Institutu Xovellanos de Xixón, son les biblioteques populares creaes a iniciativa del ministru Ruiz Zorrilla nel añu 1869 y siguientes.

A primeros del sieglu XX delles asociaciones, ateneos obreros, partíos políticos y otres instituciones promovieron en tola rexón la creación de biblioteques pa fomentar la llectura popular y, con ella, la cultura ente les clases sociales más desfavorecíes. La más representativa de toes foi la del Atenéu Obreru de Xixón, que se convirtió en modelu pa otres entidaes con intereses asemeyaos.

Asina se crearon los centros bibliográficos del Atenéu Obreru de La Felguera, de Turón, los Ateneos Populares de Mieres, Llangréu, Uviéu o'l Casinu de Llanes. Otres biblioteques creaes nestes feches con gran proyeición foron la Pública Municipal de Tinéu, la Circulante d'Avilés y, sobre manera, la Popular Circulante de Castropol. Ente 1869 y 1936 Asturies cuntó con más de 350 centros bibliotecarios y algamó un gran desenvolvimientu llector gracies al llabor coordináu de delles fuercies sociales y culturales poderoses na rexón.

La Guerra Civil punxo fin a esti florecimientu y asina, ente 1936 y 1939, estrozáronse munches biblioteques y otres cayeron en manes de la Comisión Depuradora de Biblioteques, encargada de requisar les sos coleiciones bibliográfiques.

En 1938 Ignacio Aguilera, direutor de la Biblioteca de la Universidá, propón la idea d'establecer un organismu que tuviere como misión principal fundar biblioteques públiques nueves y incorporar a elles los fondos salvaos de les anteriores. Al otru añu créase'l Centru Provincial Coordinador de Biblioteques d'Asturies, el primeru de los instituyíos n'España y puntu de partida de l'actual Rede de Biblioteques d'esta Comunidá.

Ente 1944 y 1975 foi'l so direutor Lorenzo Rodríguez-Castellano, impulsor y creador d'una política bibliotecaria, que gracies al so llabor Asturies, al recibir les tresferencies del Centru Nacional de Llectura en 1979, atopóse con una rede organizada.

Cuando Asturies se constituye en Comunidá Autónoma en 1983, tresfiérense al Principáu les funciones y servicios en materia de cultura. El Principáu tien competencia esclusiva sobre les biblioteques d'interés pa la Comunidá que nun sían de titularidá estatal. Un añu más tarde, en 1984, suprímese'l Centru Coordinador de Biblioteques, con unes atribuciones qu'asume'l Serviciu d'Archivos, Biblioteques y Museos al traviés de la Seición de Coordinación Bibliotecaria.

Nestos años el gobiernu del Principáu dicta les principales normes d'actuación del so sistema bibliotecariu.

N'años finales de la década de los 80 y 90 del sieglu pasáu empecipia'l procesu de la informatización de les biblioteques, primero na Biblioteca d'Asturies «Ramón Pérez de Ayala» y la Biblioteca Xovellanos de Xixón, y más tarde nes biblioteques públiques municipales. A finales del 1999 pudo aportase al traviés d'Internet a la consulta del catálogu coleutivu de la Rede, nun siendo les biblioteques municipales d'Uviéu y Xixón, que calteníen los sos catálogos independientemente.

Nel 2004 propónse reorganizase la Rede colos oxetivos de cuntar con un únicu catálogu, facilitar les xeres de catalogación compartida, xenerar una base común de llectores y la implantación del carné únicu, y crear un logo corporativu pa tola Rede. En xunetu del 2005 empieza a trabayase col programa actual de xestión bibliotecaria AbsysNET y un añu más tarde dábase por zarráu'l procesu d'integración coles redes municipales d'Uviéu y Xixón.

Pie de semeya: Biblioteca d'Asturies "Ramón Pérez de Ayala" La necesidá de tratar cuestiones rellacionaes col procesu téunicu y la xestión d'usuarios fixo necesario crear el Grupu de Trabayu Téunicu, encargáu de redactar los manuales de catalogación, de circulación, les normes d'empréstamu interbibliotecariu, la normativa de carné o d'espurgu. Tamién se crea nel 2099 el Grupu d'Animación a la Llectura coles mires de promover aiciones qu'ayuden a dar a conocer les biblioteques públiques, qu'arriquezan cultural y informativamente a los llectores y qu'atraigan otros nuevos; en definitiva, que les biblioteques sían realmente los motores culturales de les poblaciones onde s'alluguen. Nesti contestu empieza la publicación de Biblioasturias, la revista de les biblioteques públiques que recueye la información sobre les actividaes realizaes, amás de noticies rellacionaes col ámbitu cultural.

Estructura y composición

La rede ta integrada por 136 biblioteques y centros de llectura, actuando como cabecera de la mesma la Biblioteca d'Asturies “Ramón Pérez de Ayala”, que tien ente les sos funciones principales axuntar, caltener y difundir la mayor y meyor coleición bibliográfica asturiana, la ellaboración de la bibliografía asturiana y la xestión del Depósitu Llegal. La primer referencia al sistema bibliotecariu asturianu ye'l Decretu 65/861 pol que s'establecen les normes d'actuación del Principáu d'Asturies pa la promoción y coordinación de los servicios bibliotecarios. Tratábase de crear servicios, garantizar el cumplimientu afayadizu de les sos funciones y coordinar los esfuercios de les alministraciones implicaes na materia.

El capítulu 4 del Decretu mentáu refierse a los convenios que se van establecer colos conceyos pa xestionar los servicios o redes bibliotecaries. Estos convenios determinen les obligaciones y compromisos de dambes partes al respective de los establecimientos bibliotecarios de cara a garantizar el funcionamientu correutu de los mesmos y a consiguir un nivel d'homoxeneidá que dexe falar d'un verdaderu sistema bibliotecariu na rexón.

La Seición de Coordinación Bibliotecaria ye l'organismu que tien ente les sos atribuciones la coordinación alministrativa de les biblioteques y centros de llectura asociaos al sistema bibliotecariu rexonal; l'asesoramientu téunicu; la inspeición téunica de les biblioteques; la planificación bibliotecaria xeneral; el control estadísticu, y l'adquisición y procesamientu téunicu de los materiales pa unviar a los centros bibliotecarios. Al frente d'ella y hasta la so xubilación en xineru del 2009 tuvo Carmen Prieto Álvarez-Valdés.

Direutoriu de la Rede de Biblioteques Públiques d'Asturies

Nel 2016 la rede ta formada por 136 biblioteques.

Biblioteca Pública Municipal "Celestino Valledor" La Puela, Allande
Biblioteca Pública Municipal "Lorenzo Rodríguez-Castellano" Cabanaquinta, Ayer
Biblioteca Pública Municipal "Jesús Barettini" Caborana, Ayer
Biblioteca Pública Municipal "Toribio Velasco" Morea, Ayer
Biblioteca Pública Municipa d'Amieva
Biblioteca Pública Municipal "Bances Candamo" Avilés
Biblioteca Pública Municipal de La Carriona Avilés
Biblioteca Pública Municipal de La Xuncarosa, Avilés
Biblioteca Pública Municipal de Los Canapés, Avilés
Biblioteca Pública Municipal de Valliniello, Avilés
Biblioteca Pública Municipal "Cardenal Cienfuegos" Balmonte
Biblioteca Pública Municipal "Padre Severiano Montes" Bimenes
Biblioteca Pública Municipal "Acevedo y Huelves" Bual
Biblioteca Pública Municipal "Ateneo Cabraliego" Arenas, Cabrales
Biblioteca Pública Municipal "María Josefa Canellada" Cabranes
Biblioteca Pública Municipal "Francisco Cuervo y Valdés" Candamu
Biblioteca Pública Municipal "Santa Cruz" Cangues d'Onís
Biblioteca Pública Municipal "Padre Luis Alfonso de Carvallo" Cangas del Narcea
Biblioteca Pública Municipal de Caravia
Biblioteca Pública Municipal "Carlos González Posada" Candás, Carreño
Biblioteca Pública Municipal "Sociedad Casina de La Habana" El Campu, Casu
Biblioteca Pública Municipal de Piedrasblancas, Castrillón
Biblioteca Pública Municipal "Álvarez Galán" Salinas, Castrillón
Biblioteca Pública Municipal "Menéndez Pelayo" Castropol
Biblioteca Pública Municipal "Miguel García Teijeiro" As Figueiras, Castropol
Biblioteca Pública Municipal "Gonzálo Anes" Ortigueira, Cuaña
Biblioteca Pública Municipal "Pedro Caravia" Colunga
Centro de Servicios Múltiples "El Piqueru" Llastres, Colunga
Biblioteca Pública Municipal de Cancienes, Corvera
Biblioteca Pública Municipal "Ángel González" Les Vegues, Corvera
Biblioteca Pública Municipal de Los Campos, Corvera
Biblioteca Pública Municipal de Tresona, Corvera
Biblioteca Pública Municipal "Armando Palacio Valdés" Cuideiru
Biblioteca Pública Municipal de Soutu Lluiña, Cuideiru
Biblioteca Pública Municipal de Degaña
Biblioteca Municipal "As Quintas" A Caridá, El Franco
Biblioteca Pública "Jovellanos" Xixón
Biblioteca Pública Municipal de Pumarín-Xixón Sur
Biblioteca Pública Municipal "Alfonso Camín" de Roces, Xixón
Biblioteca Pública Municipal de Vega-La Camocha, Xixón
Biblioteca Pública Municipal de Contrueces, Xixón
Biblioteca Pública Municipal de El Coto, Xixón
Biblioteca Pública Municipal de El Llano, Xixón
Biblioteca Pública Municipal de El Natahoyo, Xixón
Biblioteca Pública Municipal de Polígono de Pumarín, Xixón
Biblioteca Pública Municipal "Pachín de Melás" de L'Arena, Xixón
Biblioteca Pública Municipal de La Calzada, Xixón
Biblioteca Pública Municipal de Montiana, Xixón
Biblioteca Pública Municipal "Mariano Suárez Pola" Lluanco, Gozón
Biblioteca Pública Municipal "Valentín Andrés" Grau
Biblioteca Pública Municipal de Grandas de Salime
Biblioteca Pública Municipal d'Eilao
Biblioteca Pública Municipal "Alberto Vega" La Felguera, Llangréu
Biblioteca Pública Municipal "Federico García Lorca" Riañu, Llangréu
Biblioteca Pública Municipal "Escuelas Dorado" Sama, Llangréu
Biblioteca Pública Municipal de Les Regueres
Biblioteca Pública Municipal de Los Barreros, Llaviana
Biblioteca Pública Municipal de El Condao, Llaviana
Biblioteca Pública Municipal de La Pola Llaviana
Centro de Lectura "La Casona"Campumanes, Ḷḷena
Biblioteca Pública Municipal "Ramón Menéndez Pidal" La Pola, Ḷḷena
Centru de Llectura de Viḷḷayana, Ḷḷena
Biblioteca Pública Municipal de Llugo, Llanera
Biblioteca Pública Municipal de Posada, Llanera
Biblioteca Pública Municipal "Cardenal Inguanzo" Llanes
Biblioteca Pública Municipal de Nueva, Llanes
Biblioteca Pública Municipal de Posada, Llanes
Biblioteca Pública Municipal de Vibañu, Llanes
Biblioteca Pública Municipal "Vital Aza" Mieres del Camín
Biblioteca Pública Municipal de Santa Cruz, Mieres
Biblioteca Pública Municipal de Turón, Mieres
Biblioteca Pública Municipal d'Uxo, Mieres
Biblioteca Pública Municipal de Morcín
Biblioteca Pública Municipal "Tomás García San Pedro" San Esteban, Muros
Biblioteca Pública Municipal de Muros
Biblioteca Pública Municipal "José Fernández Guerra" Nava
Biblioteca Pública Municipal "Carlos Peláez" Navia
Biblioteca Pública Municipal "Jovellanos" Veiga, Navia
Biblioteca Pública Municipal "Alonso Marcos de Llanes" Noreña
Biblioteca Pública Municipal d'Onís
Biblioteca d'Asturies "Ramón Pérez de Ayala"
Biblioteca Pública Municipal "Villa Magdalena" Uviéu
Biblioteca Pública Municipal "Lorenzo Rodríguez-Castellano" Uviéu
Biblioteca Pública Municipal de Ciudá Naranco, Uviéu
Biblioteca Pública Municipal de La Corredoria, Uviéu
Biblioteca Pública Municipal "Sara Suárez Solís" Uviéu
Biblioteca Pública Municipal de San Cloyo, Uviéu
Biblioteca Pública Municipal de Veguín, Uviéu
Biblioteca Pública Municipal de Trubia, Uviéu
Biblioteca Pública Municipal d'El Vallobín, Uviéu
Biblioteca Pública Municipal "José María Laso Prieto"de Ventanielles, Uviéu
Biblioteca Pública Municipal de San Llázaro, Uviéu
Biblioteca Pública Municipal de Les Arriondes, Parres
Biblioteca Pública Municipal "Luis Ángel Sánchez Villar" Alles, El Valle Altu de Peñamellera
Biblioteca Pública Municipal de Mier, El Valle Altu de Peñamellera
Biblioteca Pública Municipal "José María de Pereda" Panes, El Valle Baju de Peñamellera
Biblioteca Pública Municipal "Marqués de Vista Alegre" L'Infiestu, Piloña
Biblioteca Pública Municipal de Villamayor, Piloña
Biblioteca Pública Municipal de San Xuan, Ponga
Biblioteca Pública Municipal "Antón de la Braña" de Pravia
Biblioteca Pública Municipal de Proaza
Biblioteca Pública Municipal "San Melchor de Quirós" de Quirós
Biblioteca Pública Municipal "Iñigo Noriega Laso" Colombres, Ribedeva
Biblioteca Pública Municipal de Ribeseya
Biblioteca Pública Municipal de Soto Ribera, La Ribera
Biblioteca Pública Municipal de Riosa
Biblioteca Pública Municipal de Salas
Centru de Llectura de Samartín d'Ozcos
Biblioteca Pública Municipal "Aquilino de la Torre" Blimea, Samartín del Rei Aurelio
Biblioteca Pública Municipal de L'Entregu, Samartín del Rei Aurelio
Biblioteca Pública Municipal de Sotrondio, Samartín de Rei Aurelio
Biblioteca Pública Municipal de San Tiso d'Abres
Biblioteca Pública Municipal de Santalla d'Ozcos
Biblioteca Pública Municipal de Santu Adrianu
Biblioteca Pública Municipal de Sariegu
Biblioteca Pública Municipal de Carbayín, Siero
Biblioteca Pública Municipal de El Berrón, Siero
Biblioteca Pública Municipal de Llugones, Siero
Biblioteca Pública Municipal "Fausto Vigil" La Pola Siero
Biblioteca Pública Municipal "Casino de Lieres" Siero
Biblioteca Pública Municipal de Carbayín, Siero
Biblioteca Pública Municipal de La Fresnera, Siero
Biblioteca Pública Municipal "Fermín Canella" Rusecu, Sobrescobiu
Biblioteca Pública Municipal "Padre Juan Prado" Sotu, Sobrescobiu
Biblioteca Pública Municipal de Somiedo
Biblioteca Pública Municipal "Emilio Alarcos Llorach" L'Arena, Sotu'l Barcu
Biblioteca Pública Municipal "Ildefonso Fierro Ordóñez" Sotu'l Barcu
Biblioteca Pública Municipal "Fernando Villamil" Tapia
Biblioteca Pública Municipal de Taramundi
Biblioteca Pública Municipal "Sandalio Suárez" Teberga
Biblioteca Pública Municipal de Navelgas, Tinéu
Biblioteca Pública Municipal de Tinéu
Biblioteca Pública Municipal "Joaquín Rodríguez" Ḷḷuarca, Valdés
Biblioteca Pública Municipal "Emilio y Armando Cotarelo" A Veiga
Biblioteca Pública Municipal de Vilanova d'Ozcos
Biblioteca Pública Municipal "A. Balbín de Unquera" Villaviciosa

Referencies

Enllaces esternos

Web de Biblioteques Públiques d'Asturies

Bibliografía

Prieto Álvarez-Valdés, Carmen; Rodríguez Navarro, Ana (1988). «La Red de Bibliotecas del Principado de Asturias». Boletín de la ANABAD 38 (1-2): 273-284. Consultao'l 18 d'abril del 2016.
Prieto Álvarez-Valdés, Carmen (1997). «La Red de Bibliotecas del Principado de Asturias, 1979-1996. Evolución». VI Congreso Nacional de ANABAD: 391-402. Consultao'l 18 d'abril del 2016.
Cámara Solórzano, Ana Isabel; García Rodríguez, Milagros; Prieto Álvarez-Valdés, Carmen (2008). «Un modelu de cooperación. El Catálogo Colectivo de la Red de Bibliotecas Públicas del Principado de Asturias». IV Congreso Nacional de Bibliotecas Públicas: 115-126. Consultao'l 18 d'abril del 2016.

Referencies

1. «Decreto 65/86 Normas generales de servicios bibliotecarios». Consultao'l 18 de febreru del 2016.