Karakalpakia

Karakalpakia
flag of Karakalpakstan (en)	Emblem of Karakalpakstan (en)
Alministración
País	Uzbequistán
ISO 3166-2	UZ-QR
Tipu d'entidá	entidá territorial alministrativa d'Uzbequistán
Capital	Nukus
Chairman of the Supreme Council of the Republic of Karakalpakstan (en)	Amanbai Orynbaev (en)
Nome oficial	Qoraqalpogʻiston Respublikasi (uz); Republic of Karakalpakstan. (en); Qaraqalpaqstan Respublikası (kaa); Karakalpacká republika (sk)
Nome llocal	Qaraqalpaqstan Respublikası (kaa); Qoraqalpog'iston Respublikasi (uz)
Llingües oficiales	uzbecu ; Idioma karakalpaku
División	ver Distrito del Amu Daria (es) , Beruniy District (en) , Shimbay District (en) , Ellikqala District (en) , Kegeyli District (en) , Moynaq District (en) , Nukus District (en) , Qanlıkól District (en) , Qaraózek District (en) , Shomanay District (en) , Taxtakópir District (en) , Tórtkúl District (en) , Xojeli District (en) , Bozataw District (en) , Taqiyatas District (en) y Qońırat District (en) ;
Xeografía
Coordenaes	43°02′N 58°52′E / 43.04°N 58.86°E
Superficie	160000 km²
Llenda con	Provincia de Corasmia (es) , Provincia de Bukhará, Provincia de Navoi, provincia de Mangystau (es) , provincia de Aktobé (es) y Provincia de Daşoguz (es)
Altitú media	41 m
Demografía
Población	1 817 500 hab. (2017)
Densidá	11,36 hab/km²
Más información
Estaya horaria	UTC+05:00
	sovminrk.gov.uz…

Karakalpakia o Karakalpakistán (uzbecu: Qoraqalpog`iston Respublikasi, karakalpaku: 'Qaraqalpaqstan Respublikası') ye una república autónoma que, xunto colos dolce provincies y la ciudá capital Taxkent, conformen la República d'Uzbequistán. La so capital ye Nukus. Ta allugada nel estremu oeste del país, llindando al oeste y norte con Kazakstán y el mar d'Aral, al este y sureste con Navoi, y al sur con Corasmia, Turkmenistán y el llagu Sariqamish. Con 160 000 km² ye la entidá más estensa del país, con 1 200 000 habs. en 2010, la cuarta menos poblada —per delantre de Djizaks, Navoi y Sirdarín, la menos poblada— y con 7,5 hab/km², la segunda menos densamente poblada, per delantre de Navoi.

La República de Karakalpakia tien una área de 166.600 km². El so territoriu cubre la rexón histórica de Corasmia, anque na lliteratura persa clásica conozse como "Kāth".

Población

La población de Karakalpakia ta envalorada en 1.711.800 habitantes d'alcuerdu al censu de 2013, de los cualos 400.000 son de la etnia karakalpaka, que'l so nome significa «sombreros (de piel) negros», 400.000 son uzbecos, y 300.000 son kazaquistaninos. Los karakalpakos yeren un pueblu nómada dedicáu a la ganadería y a la pesca, y fueron reconocíos per primer vegada nel sieglu XIX. L'idioma karakalpaku pertenez al grupu de les llingües uralo-altaiques y tien rellación col kazaquistanín y l'uzbecu. Hasta la sovietización, escribíase n'alfabetu árabe, que foi reemplazáu pol cirílicu. En 1996 adoptóse l'alfabetu llatín.

Amás de la capital Nukus, les ciudaes más grandes son Hojeli, un llugar con munches ruines corasmies, y Moynaq un puertu del antiguu mar d'Aral, agora munchos quilómetros tierra adientro.

Economía y xeografía

La economía de la república, que nel pasáu dependía fuertemente de la pesca, agora ye impulsada pola producción d'algodón, arroz y melón. Tamién ye importante la producción hidroeléctrica nel Amu Daria constituyida mientres el réxime soviéticu.

El delta del Amu Daria tuvo bastante pobláu mientres la dómina soviética, y soportó mientres décades el desenvolvimientu de l'agricultura de regación. Sicasí, el cambéu gradual del clima sufiertu mientres les últimes décades, aceleráu pol desastre ecolóxicu del mar d'Aral, provocó un grave descensu nel nivel de vida y desenvolvimientu. L'antiguu oasis de ríos, llagos, carrizales pantanosos, montes y granxes fueron ensugándose y contaminando el llechu del mar d'Aral con sales venenosos y productos químicos. Les temperatures mínimes y máximes estremáronse en 10 graos, y el númberu d'enfermedaes respiratories amontóse considerablemente.

Ver tamién

Referencies

Enllaces esternos

Sitiu web oficial de Karakalpakia Archiváu 2012-12-28 en Wayback Machine (uzbeku)
Universidá de Karakalpakia (n'inglés)
Definición en The Columbia Dictionary (n'inglés)