Rhamphocottus richardsonii
El charrasco gurniador (Rhamphocottus richardsonii), única especie del xéneru Rhamphocottus que de la mesma ye l'únicu encuadráu na familia Rhamphocottidae, ye un pexe marín del orde Scorpaeniformes, que se distribúi por tou la mariña del norte del Pacíficu que va dende Xapón hasta'l sur de California.[1]
Morfoloxía editar
Tienen el cuerpu moderadamente estruyíu, con un altu perfil dorsal; tanto la cabeza como'l cuerpu tán cubiertos de pequeñes plaques ósees multiespinosas, que se proyeuten al traviés de la piel como escayos; tienen un escayu nel preopérculo, fuerte y recia.[2]
El cuerpu algama una talla máxima de 8'9 cm; na aleta dorsal tien 7 a 8 escayos y unos 12 radios blandos siendo la única aleta con escayos, toes elles ensin ramificaciones; l'aleta caudal ye arredondiada.[3]
Hábitat y manera de vida editar
Habita zones intermareales y hasta 165 m de fondura, tantu en llamargues de marea en roques cono sobre fondos arenosos.[4] Reparáu frecuentemente abellugándose nel interior de conches vacíes, incluyíes les del balano xigante Balanus nubilis, según en botelles y llates tiraes pol home.[3]
Los xuveniles aliméntense de zooplancton, tanto invertebraos como bárabos de pexes, ente que los adultos suelen alimentase de crustáceos.[5] Puede utilizar les sos aletes pectorales pa abasnase sobre les roques y les algues mientres la marea baxa.[6]
Reproducción editar
La fema atrai al machu hasta un buecu nes roques y caltenenlo ellí hasta qu'ella pon los sos güevos.[5]
Referencies editar
Datos: Q302264
Multimedia: Rhamphocottus richardsonii
Especies: Rhamphocottidae
