Rogaland

Rogaland ye una provincia de la rexón de Vestlandet, Noruega, fronteriza coles provincies de Hordaland, Telemark, Aust-Agder y Vest-Agder. Tien 9376 km² d'área y 466 302 habitantes según el censu de 2015. La so capital ye Stavanger.

Rogaland
coat of arms of Rogaland (en)
Alministración
País	Noruega
ISO 3166-2	NO-11
Tipu d'entidá	condáu de Noruega
Capital	Stavanger (es)
County mayor of Rogaland (en)	Marianne Chesak (Partido Laborista Noruego (es) )
División	ver Bjerkreim, Bokn, Eigersund, Gjesdal, Haugesund, Hjelmeland, Hå, Karmøy, Klepp, Kvitsøy, Lund, Randaberg, Sandnes, Sauda, Sokndal, Sola, Stavanger, Strand, Suldal, Time, Tysvær, Utsira, Vindafjord, Finnøy, Forsand y Rennesøy
Xeografía
Coordenaes	58°58′N 5°43′E
Superficie	9377.1 km²
Llenda con	Hordaland, Telemark, Aust-Agder, Vest-Agder, Vestland, Vestfold og Telemark y Agder
Demografía
Población	472 024 hab. (1r xineru 2017)
Densidá	50,34 hab/km²
Más información
Estaya horaria	UTC+01:00
rogfk.no

Etimoloxía

En términos xenerales, l'orixe del nome ye daqué inciertu. Argumentóse que'l primer elementu ye'l casu xenitivu plural de rygir, el nome d'una antigua tribu xermánica (ver rugios). L'últimu elementu significa «tierra», «país» o «rexón». Poro, una traducción averada ye «Tierra de los rugios».

Mientres la dómina viquinga esta provincia foi llamada Rygjafylki o Rygjafylke (ver Ryfylke), y darréu —hasta 1919— foi conocida como Stavanger amt.

Historia

Esisten importantes evidencies arqueolóxiques nes escavaciones d'una cueva en Randaberg (Svarthola), ente les que s'inclúin l'afayu d'una cadarma d'un neñu de la Edá de Piedra. Coles mesmes, dellos afayos arqueolóxicos daten de la Edá del Bronce y la Edá del Fierro. Topáronse munches cruces d'estilu irlandés, lo qu'indica un intercambiu comercial col restu del continente.

Antes de la llegada del rei Harald I de Noruega y la batalla de Hafrsfjord, Rogaland constituyó'l reinu de Rogaland.

Cultura y turismu

Sablera Orrestranda nel distritu de Jæren.

Rogaland ye sede de dellos festivales y congresos d'importancia internacional como'l Festival de Música de Cámara, el Festival Maijazz, el festival Gladmat o'l Offshore Northern Seas —una conferencia sobre petroleu y gas nel mar del Norte—. La sala de conciertos y complexu musical de Bjergsted y la Orquesta Sinfónica de Stavanger complementen la ufierta musical de la provincia. Nel ámbitu deportivu, en Stavanger celébrase añalmente'l World Tour de voleibol de sablera.

Rogaland ye'l llar de delles maravíes naturales, como Preikestolen, Kjerag o Gloppedalsura. En Stavanger hai un muséu arqueolóxicu con artefautos de la historia temprana de Rogaland, según la reconstrucción d'una granxa de la Edá del Fierro en Ullandhaug, datada de 350-500 d. C. Tamién esiste'l muséu The Viking Farm, asitiáu en Karmøy.

Conceyos

Rogaland ta estremada en 26 conceyos:

Bjerkreim Bokn Eigersund Finnøy Forsand Gjesdal Haugesund Hjelmeland Hå Karmøy Klepp Kvitsøy Lund

Randaberg Rennesøy Sandnes Sauda Sokndal Sola Stavanger Strand Suldal Time Tysvær Utsira Vindafjord

Ver tamién

• Provincies de Noruega

Enllaces esternos

• Wikimedia Commons acueye conteníu multimedia sobre Rogaland .
• Conseyu de la Provincia de Rogaland - Páxina oficial
• Páxina de la provincia (inglés) última actualización: 2001
• Mapa

• Datos: Q50624
• Multimedia: Rogaland