Runit

Runit ye una islla del atolón Enewetak nes Islles Márxal nel Océanu Pacíficu.

Runit
Situación
Tipu	islla
Parte de	Cadena Ralik
Asitiáu en	Océanu Pacíficu
Coordenaes	11°32′42″N 162°21′11″E
Runit Runit (Islles Márxal)
Datos
Superficie	0,436 km²
Población	0
Llonxitú	3,1 km

Cúpula de Runit

La Cúpula de Runit (n'inglés "Runit Dome", "Cactus Dome" o "The Tomb") ye una estructura con forma de semiesfera a nivel del mar nel norte de la islla de Runit. Tien un grosor de 46 cm y enzarra aproximao 73.000 m³ de desechos radiactivos, incluyíu'l plutonio-239.

Estos restos provienen de les pruebes nucleares entamaes polos Estaos Xuníos nel atolón Enewetak ente 1946 y 1958. Comenzando en 1977, el suelu contamináu de seis islles del atolón Enewetak foi raspiáu y acumuláu p'almacenalu nún cráter de la esplosión nuclear del ensayu Cactus del 6 de mayu de 1958. El cráter tenía una fondura de 9,1 m y foi rellenáu colos desechos y escombros radioactivos recoyíos nes islles. Posteriormente, foi sapozáu baxo una capa de cementu de Portland conformando la cúpula actualmente visible como una semiesfera blanca ente'l verde de la vexetación y l'azul añil del mar. El procesu de raspiar, acumular y sepultar tardó tres años en completase.

En 1982, un grupu de trabayu de los EE. XX. espresó'l so esmolecimientu por un posible accidente si un tifón grave solmenaba la islla. En 2013, el Departamentu d'Enerxía de los EE. XX. descubrió que la cúpula de formigón amosaba na estructura fendedures menores. Sicasí, descubrióse tamién que'l suelu d'alredor de la cúpula taba más contamináu que'l so conteníu, polo qu'un escape nun debería aumentar los niveles de radiación. En casu de colapsu, la dosis de radiación a la población residente nun debería camudar significativamente.

Referencies

• Datos: Q20795448