El Sáḥara Occidental

(Redirixío dende Sáhara Occidental)

El Sáḥara Occidental[1][2] ye un territoriu d'África, nel estremu occidental del desiertu d'El Sáḥara. Foi antigua colonia española y anguaño ta parcialmente baxo alministración de Marruecos, anque'l so drechu sobre esti territoriu nun ta reconocíu nin pola ONX nin pol Tribunal Internacional de L'Haya y ye refugáu pol Frente Polisariu que reclama la independencia pal pueblu saḥarianu.

El Sáḥara Occidental
territorio disputado (es) Traducir
Alministración
Nome oficial Western Sahara (en)
Sahara Occidental (es)
Sáhara Occidental (es)
الصحراء الغربية (ar)
Sahara occidental (fr)
Xeografía
Coordenaes 25°N 13°W / 25°N 13°O / 25; -13
Superficie 266000 km²
Llenda con Mauritania, Arxelia y Marruecos
237 m
Demografía
Población 612 000 hab. (2021)
Densidá 2,3 hab/km²
Economía
Moneda dírham marroquí (es) Traducir y peseta saḥariana
Más información
Dominiu d'Internet .eh
Códigu telefónicu +212
Códigu ISO 732 / ESH / EH
Estaya horaria UTC±00:00, UTC+01:00 y Africa/El_Aaiun (en) Traducir
Cambiar los datos en Wikidata

Historia editar

Reclamada como colonia por España nel 1885 la ocupación efeutiva del territoriu nun se realizó hasta'l 1934. En 1975 España abandonó'l territoriu que foi invadíu por Mauritania y Marruecos en 1976 realizó la Marcha Verde, pero el Frente Polisariu proclamó la República Árabe Saḥariana Democrática (RASD) y declaró-y la guerra a los invasores. En 1979 Mauritania nun pue siguir costeando la guerra y firma la paz col Frente Polisariu renunciando asina a les sos pretensiones nel territoriu. En 1991 Marruecos y el Frente Polisariu firmen un altu'l fueu auspiciáu pola ONX qu'establez la Misión pal Referendu n'El Sáḥara Occidental (MINURSO) que se celebraría en febreru de 1992. Marruecos foi aplazando la convocatoria pal referendu per aciu d'apelalciones nes que pide a los marroquinos que tán na zona (que yá son mayoría) tengan drechu a votu.

Ente 1980 y 1987 Marruecos construyó n'El Sáḥara Occidental una barrera d'ocupación divisoria conocida como «muru de la vergüenza». Tien más de 2.000 km, ta fabricada con tierra, piedra y arena y protexida con soldaos, mines anti-persona, artillería y otros materiales militares.

Gobiernu y política editar

L'estatus llegal del territoriu y la entruga de la soberanía tán ensin resolver. Alcuéntrase n'ocupación de Marruecos, pero'l Frente Polisariu discúte-y el control.

Organización político-alministrativa editar

Fai años dividíase en Saguia el Hamra (capital: L'Aaiún) y Río de Oro (capital Dajla, antigua Villa Cisneros). Otres poblaciones importantes son Smara y La Güera (o La Agüera).

Marruecos dixebró El Sáḥara Occidental en cuatro provincies: Boujdour (Bojador), Laâyoune (L'Aaiún), Es-Smara (Smara) y Qued Eddahab (Ríu d'Oro). Tres de la reorganización nel 1997, el territoriu d'El Sáḥara Occidental pertenez a tres rexones marroquines (Oued Ed-Dahab - Lagouira, Laâyoune - Boujdour - Sakia El Hamra y Guelmin - Es-Semara. Les dos últimes inclúin tamién territoriu marroquín.

Xeografía editar

 
Mapa d'El Sáḥara Occidental

El Sáḥara Occidental alcuéntrase nel África norte, llindando nel norte col Océanu Atlánticu, Mauritania (nel este y sur) y Marruecos (nel norte). Llinda tamién al noreste con Arxelia.

Atravesáu pol Trópicu de Cáncer, el territoriu ta ocupáu pol desiertu d'El Sáḥara, siendo una parte erg (desiertu d'arena) y otra de piedra.

La escasa vexetación solo crez nos oasis. Hai delles especies animales adaptaes al áridu hábitat desérticu, como'l ratón brincante del desiertu.

Economía editar

El Sáḥara Occidental cuenta con pocos recursos naturales y nun tien suficientes precipitaciones como p'abastecer la mayoría de les actividaes agrícoles. La so economía ta centrada nel pastoríu nómada, la pesca y la minería del fosfatu. La mayoría de los alimentos pa la población urbana tien que ser importada. Tol comerciu y les otres actividaes económiques tán controlaos pol gobiernu de Marruecos.

Demografía editar

 
Evolución demográfica d'El Sáḥara Occidental ente 1961 y 2003 (cifres de la FAO, 2005). Población en miles d'habitantes.

La población d'El Sáḥara Occidental ye na so mayoría d'oríxe árabe y bereber, esiste tamién una escasa minoría d'ascendencia española o europea, y de raza negra. Gran parte de la población saḥariana del país (alredor de 155.000) ta nel exiliu en campamentos en Tinduf dende 1975. El país ta ocupáu mayoritariamente polos marroquinos llegaos dempués de 1975 y pol exércitu.

El Sáḥara Occidental ye un de los territorios menos poblaos del mundu y posiblemente'l de menor densidá de población. En xunetu de 2004 había n'El Sáḥara Occidental una población de 267.405 persones.

La llingua oficial ye l'árabe, anque se fala diariamente'l dialeutu conocíu como'l hasanía, un dialeutu faláu en Mauritania pero con mui poques diferencies que solo se puen detectar pol Bidhan (los habitantes d'El Sáḥara y Mauritania). Tamién se fala l'español, como'l segundu idioma más importante del territoriu, particularmente pa los que crecieron baxo la colonización española.

La relixón predominante ye l'islam.

Cultura editar

 
Puestu militar en L'Aaiún.
Fiestes
Fecha Nome n'asturianu Nomre llocal Notes
27 de febreru Fiesta nacional Sab'a O'Echreen Fabrair Proclamacion de la RASD
20 de mayu Fiesta nacional Eichreen mai Declaración de llucha armada pa la lliberación.

Referencies editar

Enllaces esternos editar


África
Angola | Arxelia | Benín | Botsuana | Burkina Fasu | Burundi | Cabu Verde | Camerún | República Centroafricana | Chad | Comores | El Congu | República Democrática d'El Congu | Costa de Marfil | Eritrea | Etiopía | Exiptu | Gabón | Gambia | Ghana | Guinea | Guinea-Bisáu | Guinea Ecuatorial | Kenia | Lesothu | Liberia | Libia | Madagascar | Malaui | Malí | Marruecos | Mauriciu | Mauritania | Mozambique | Namibia | Níxer | Nixeria | Ruanda | Santu Tomé y Príncipe | Seixeles | Senegal | Sierra Lleona | Somalia | Suazilandia | Sudáfrica | Sudán | Sudán del Sur | Tanzania | Togu | Tunicia | Uganda | Xibuti | Zambia | Zimbabue

Dependencies: Islles Kerguelen | Mayotte | Reunión | El Sáḥara Occidental | Socotra | Tromelin