Sørvágsvatn
El Sørvágsvatn o Leitisvatn ye'l mayor llagu de les Islles Feroe. Alcuéntrase na islla de Vágar, nel occidente del archipiélagu, siendo compartíu polos conceyos de Sørvágur y Vágar. Tien un área de 3,56 km² de estensión.
| Sørvágsvatn | |
|---|---|
 | |
| Situación | |
Region of the Faroe Islands (en)  | Vága sýsla (en) |
| Municipio (es) | Sørvágs Municipality (en) |
| Tipu | llagu |
| Coordenaes | 62°03′N 7°14′W / 62.05°N 7.23°O |
  Sørvágsvatn Sørvágsvatn (Islles Feroe) | |
| Datos | |
| Altitú media | 32 m |
| Superficie | 3,4 km² |
| Superficie de la conca | 35,2 km² |
| Fondura | 59 m |
 | |
La so fondura media ye de 2,5 m, y la so máxima de 59 m. Ye un llagu de forma allargada, asitiáu nel sur de Vágar, a una altitú de 32 msnm na so llende norte, próximu al centru xeográficu de la islla, atópase'l pueblu de Vatnsoyrar, y nel sur el llagu desagüa na cascada Bøsdalafossur, que cai directamente al mar dende 30 m d'altor sobro l'Océanu Atlánticu.
Ente les llendes norte y sur hai una distancia averada de 6 km, ente que d'anchor nun se superen los 800 m. Nel noroeste atópase l'Aeropuertu de Vágar y la llocalidá de Sørvágur, y cerca de la vera oriental atópase Miðvágur.
Ente los habitantes de Sørvágur, el llagu suel ser llamáu Sørvágsvatn, que significa "llagu de Sørvágur", ente que los vecinos de Miðvágur prefieren el términu Leitisvatn, una y bones la zona próxima a la vera oriental ye conocida como Leiti. Ente tolos isleños, sicasí, úsase tamién el nome Vatnið, que significa a cencielles "el llagu".
Les especies de peixes presentes nel llagu son la trucha común (Salmu trutta) y l'espinosu (Gasterosteus aculeatus).
Hai actividaes turístiques como paseos en botes al traviés del llagu, senderismu, acampada y pesca.
Referencies
editar- «Ecology of Five Faroese Lakes: Summary and Synthesis» (inglés). Archiváu dende l'orixinal, el 6 de marzu de 2016. Consultáu'l 10 de abril de 2012.
Enllaces esternos
editar
Wikimedia Commons acueye conteníu multimedia sobre Sørvágsvatn.
Datos: Q932408- Multimedia: Sørvágsvatn
