SAO 206462 ye una estrella moza, arrodiada d'un discu circumestelar de gas y de brazos espirales claramente definíos. Ta asitiada a 400 años-lluz de la Tierra na constelación del Llobu (Lupus).[1] La presencia d'esos brazos espirales paez tar rellacionada cola esistencia de planetes dientro del discu de gas qu'arrodia la estrella y que tien un diámetru doble que la órbita de Plutón.

Descubrimientu editar

El descubrimientu foi presentáu n'ochobre de 2011 por Carol Grady, astrónoma de la compañía Eureka Scientific, que tien la so sede nel Centru Goddard pa Vuelos Espaciales, de la NASA, siendo'l primeru d'esta clase que presenta un eleváu grau de nitidez. Realizóse utilizando diversos telescopios espaciales (Hubble, FUSE, Spitzer) y basaos en tierra (observatoriu Gemini y el telescopiu Subaru, asitiáu en Ḥawai), dientro d'un programa internacional de busca d'estrelles nueves y d'estrelles con planetes. Nél collaboraron un nutríu grupu d'astrónomos de distintos observatorios.[2]

Enllaces esternos editar

Referencies editar

  1. La NASA capta una fotografía de SAO 206462, la primer estrella con forma espiral. Informe21.com, 3 de payares de 2011
  2. REVEALING THE STRUCTURE OF A PRE-TRANSITIONAL DISK: THE CASE OF THE HERBIG F STAR SAO 206462 (HD 135344B). C.A. Grady et al. The Astrophysical Journal 699 (2009) 1822. doi:10.1088/0004-637X/699/2/1822

Coordenaes:   15h 15m 48.446s, -37° 9 16.024