Sable
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El sable ye un arma blanca curva y (xeneralmente) d'un solu filu, pensada pa cortar, davezu usada en caballería ya infantería (oficiales) nel sieglu XIX ya inclusive XX. Esti calter curvu de la fueya y el so filu únicu, diferencia tradicionalmente al sable de la espada.
Esta arma blanca ye de tayo y surdió pola necesidá de velocidá en combate. Esta llógrase al cortar y nun dexar encuallada la fueya de l'arma nel cuerpu del adversariu (al contrariu de la mayoría de les espaes d'una mano, que son d'estocada).
La combadura, que ta allugada xeneralmente dende la punta hasta la metá del sable, xenera un tayo fondu.
La combadura del sable pretende consiguir, en teoría, qu'un home a caballu, al descargar el brazu con esta arma, dibuxe un ampliu círculu sobre l'infante llogrando que nel puntu de corte'l sable siempres sía tanxencial. Por esta razón nun s'enarta, sinón que corta, colo qu'aumenta la ferida ensin clavar l'arma. Por cuenta de ello los sables pensaos pa caballería tienen una gran combadura, son casi circulares; los pensaos pa infantería tienen una combadura menor, pos tien de concedese importancia a la función defensiva: caltener alloñáu al enemigu y parar los sos golpes.
So estes considerancies, la tradicional katana xaponesa ye téunicamente un tipu de sable. Na actualidá'l sable ta totalmente refugáu como arma ofensiva; la so única función ye la de complementu d'uniforme y distintivu de mandu del oficial d'exércitu. Por esta razón la calidá de los materiales pal so confección amenorgó notoriamente.
El sable como arma d'esgrimaEditar
El sable modernu ye, xuntu cola espada y el florete, una de los trés armes d'esgrima. Deriva de l'arma qu'usaben los soldaos de caballería. Tien un proteutor en forma de concu, que se curva so la mano, y una fueya en forma de T en seición tresversal. El llargor del sable ye de 90 cm y el so pesu máximu ye de 500 g. Los tocaos o puntos pueden consiguise embistiendo cola punta o produciendo una corte col filu de la fueya. El blancu válidu ye tol cuerpu de cintura pa enriba, incluyendo cabeza y brazos. Los asaltos de sable son los más rápidos y axilosos n'esgrima, polo que riquen una bona forma física.
El sable na danza del banduyuEditar
La danza del sable (raks al sayf) ye orixinaria de la danza marcial tradicional d'Exiptu El Ard, que ye realizada por homes que lleven los sables en forma vertical, llistos pa engarrar, mientres baillen. Raks al Sayf implica banciar l'oxetu sobre la cabeza, cadril, estómagu, costazos, etc. Nun esiste muncha documentación qu'indique que la danza del sable baillada por muyeres sía común, salvo delles pintures.
Ver tamiénEditar
Enllaces esternosEditar
Wikimedia Commons acueye conteníu multimedia sobre Sable.
Datos: Q356221
