Wikipedia

Sableres de Sovalle, Valle y Niembru

La sablera de Sovalle forma parte d'un conxuntu de tres sableres continues que se funden en baxamar, llamaes sableres de Sovalle, Valle y Niembru, tamién conocida como sablera de Toranda. La sablera de Sovalle ye más un pedreru con forma de concha que pon fin a la socesión de les mentaes sableres.[1] Atópase na llocalidá de Llames de Pría, na desaguada del ríu Guadamía, que ye'l que marca la llende ente Llanes y Ribeseya.[2] Enmarcase nes sableres de la Costa Verde Asturiana y ta considerada paisaxe protexíu, dende'l puntu de vista medioambiental (pola so vexetación y tamién poles sos carauterístiques xeolóxiques). Por esti motivu ta integrada nel Paisaxe Protexíu de la Costa Oriental d'Asturies.[3][4]

Descripción editar

Esta sablera (que sume en marea alta), al igual que les sos allegantes pertenez a la llocalidá de Niembru, nel conceyu de Llanes, presenta forma de concha, y apuértase a ella pola sablera de Niembru (con un llargor d'unos 300 metros y un anchor de 100 metros), allugándose la sablera de Valle (d'unos 120 metros de llargor y 25 metros d'anchor, y que tamién tien forma de concha) ente les otres dos.[2] Les sableres de Valle y Sovalle tán asitiaes nel estremu occidental de la ensenada de Niembru, al abrigu del cabu Prieto.[5] Estes dos sableres nun cunten con nengún serviciu, nin siquier realízase la so llimpieza.[6][4]

Los trés sableres atópense dientro del Paisaxe Protexíu de la Costa Oriental y en el so cercaníes alcuéntrase un sistema de dunes eóliques.[4][7]

Pueden reparase afloramientos predresos sobre'l sable blancu nes sableres de Sovalle y Valle. Presenten un bien so grau d'urbanización y tan solo la de Niembru, que ye la de más bon accesu, presenta un grau mediu d'ocupación frente al grau baxu de les otres dos.[1]

La sablera de Toranda (Niembru), de sable blancu y fina, tien una forma rectillinio y abierto, y destaca de les otres dos por presentar servicios, aseos, duches, agua potable, vixilancia diaria y quioscos de refrescos.[8] Allugase ente'l cabu Prieto y la punta La Boriza y llogró la bandera azul en 1997.[9]

Referencies editar

  1. ↑ 1,0 1,1 (del Río, 2013, p. 242)
  2. ↑ 2,0 2,1 «Playa de Guadamía». Portal oficial de turismo del ayuntamiento de Yanes. Consultáu'l 10 de payares de 2014.
  3. ↑ http://www.magrama.gob.es/es/costas/servicios/guia-playas/
  4. ↑ 4,0 4,1 4,2 http://sig.magrama.gob.es/93/ClienteWS/Guia-Playas/Default.aspx?nombre=PLAYAS_WEB&claves=DGC.
  5. ↑ http://www.llanes.as/guia/pla/p26.htm
  6. ↑ http://www.llanesalavista.com/Playas%2028%20-%20Sovalles.php
  7. ↑ http://web.archive.org/web/http://www.vivirasturias.com/asturias/llanes/playa-de-sevalle-o-playa-de-sovalle/es
  8. ↑ http://www.llanesnet.com/playas/toranda/
  9. ↑ http://www.llanes.as/guia/pla/p30.htm
Sacáu de «https://ast.wikipedia.org/w/index.php?title=Sableres_de_Sovalle,_Valle_y_Niembru&oldid=3530747»