Salar de Bonneville
El Salar de Bonneville (Bonneville Salt Flats) ye un desiertu de sal de 260 km², allugáu cerca del pobláu de Wendover nel estáu d'Utah n'Estaos Xuníos.[1] El salar ye un remanente del Llagu Bonneville que s'atopaba ellí mientres el Pleistocenu y ye el más grande de dellos salares allugaos al oeste del Gran Llagu Saláu.
Por cuenta de que la zona ye bien plana, la mesma utilízase pa carreres de velocidá onde automóviles y motocicletes llograron dellos récores mundiales. La carreres más importantes que fueron alcontraes equí son la Bonneville Speed Week, el World of Speed, la World Finals, y el Bub Motorcycle Speed Trials. L'área ta abierta pa usu del públicu.
Historia editar
El xeólogu Grove Karl Gilbert nomo l'área n'honor a Benjamin Bonneville quien foi un oficial del exércitu de los Estaos Xuníos qu'esploró la zona en 1830.[2][3] En 1907 Bill Rishel y dos homes de negocios locales esaminaron l'área pa determinar si yera posible remanar percima del salar. Un ferrocarril foi construyíu en 1910, siendo la primer forma de tresporte permanente en cruciar el salar. El primer récor de velocidá terrestre foi establecíu ellí por Teddy Tetzlaff en 1914.[4]
Delles películes y series de televisión han filmado nel llugar, ente les que se cunten: Knight Rider, Warlock, Independence Day, SLC Punk!, Cremaster 2, Ciclu Cremaster, The World's Fastest Indian, Gerry, L'árbol de la vida, Top Gear, y Pirates of the Caribbean: At World's End. L'automóvil Pontiac Bonneville, la motocicleta Triumph Bonneville, y la compañía Bonneville International fueron nomaes en referencia al salar.
Referencies editar
- ↑ (n'inglés)Encyclopædia Britannica - Bonneville Salt Flat.
- ↑ «The Bonneville Salt Flats». Bureau of Land Management. Consultáu'l 24 de xunetu de 2011.
- ↑ Joseph Tingley; et al. (2009). A Geologic and Natural History Tour Through Nevada and Arizona Along U.S. Highway 93 with GPS Coordinates. NV Bureau of Mines & Geology, páx. 135.
- ↑ Radbruch, Don (2004). Dirt Track Auto Racing, 1919–1941.
Wikimedia Commons acueye conteníu multimedia sobre Salar de Bonneville.
Datos: Q1081023- Multimedia: Bonneville Salt Flats
