San Diego
San Diego ye una ciudá del estáu de California, nos Estaos Xuníos. Asítiase al sur del estáu, a la vera l'océanu Pacíficu, a unos 190 km al sur de Los Angeles y a poco más de 30 km de la frontera con Méxicu. Ye la octava mayor ciudá del país, y la segunda mayor de California. Foi el primer llugar habitáu por europeos del estáu (the birthplace of California) y ye conocida pol so clima suave, poles playes y tamién por tener un puertu natural d'agües bien profundes que fain que tenga sío, dende'l bombardéu de Pearl Harbor pola marina xaponesa en 1941, una de les principales bases de la Marina estauxunidense. Nos caberos años tamién espoxiga nella el sector d'investigación médica y biotecnolóxica. La so población, según el censu de 2010, yera de 1.307.402 habitantes.
| San Diego | ||
|---|---|---|
| ||
| Alministración | ||
| País |  Estaos Xuníos d'América | |
| Estaos |  California | |
| Condáu | Condáu de San Diego | |
| Tipu entidá | ciudá de los Estaos Xuníos | |
| Kevin Faulconer | ||
| Códigu postal |
92101–92117 | |
| Xeografía | ||
| Coordenaes | 32°42′54″N 117°09′45″O / 32.715°N 117.1625°OCoordenaes: 32°42′54″N 117°09′45″O / 32.715°N 117.1625°O | |
  San Diego San Diego (los EE.XX.) | ||
| Superficie | 964.497168 km² | |
| Altitú | 422 ft | |
| Demografía | ||
| Población | 1 394 928 hab. (1 xunetu 2015) | |
| Porcentaxe | 43.44% de Condáu de San Diego | |
| Densidá | 1446,27 hab/km² | |
| Más información | ||
| Fundación | 16 xunetu 1769 | |
| Prefixu telefónicu |
619, 858 | |
| Estaya horaria | Tiempu del Pacíficu | |
| Llocalidaes hermanaes |
Vladivostok, Alcalá de Henares, Campinas  , Edimburgu, Jalalabad, Jeonju , León , City of Perth , Quanzhou , Taichung, Tema , Tijuana, Varsovia, Yantái, Yokohama, Ciudad Juárez , Cavite , City of Perth , Cavite y Ciudá de Panamá | |
| www.sandiego.gov | ||
| ||
La zona yera l'hogar de los Kumeyaay cuando aportaron a ella los europeos. San Diego foi el primer llugar al que llegaron na actual costa oeste de los Estaos Xuníos. En 1542 Juan Cabrillo llegó a la so bahía y reclamó tola rexón pa España, dando asina'l niciu a lo que diba ser l'Alta California 200 años dempués. El presidiu (fuerte) y misión (de la orde franciscana) de San Diego, fundáu en 1769, foi el primer asentamientu européu na actual California. En 1821 la ciudá pasó a formar parte del recién independizáu estáu mexicanu, y pasó a manes estauxunidenses en 1850 dempués de que, tres la guerra mexicanu-estauxunidense, California fora almitida como estáu de la xunión.
La ciudá ye la sé alministrativa del condáu de San Diego y el centru económicu de la rexón y del área metropolitana San Diego-Tijuana. Los sectores que tiren pola actividá económica de la ciudá son el militar, tantu pola presencia d'instalaciones militares nella como pola d'industries de defensa, el turísticu, l'industrial y el comerciu internacional. A la vera de la so universidá (University of California, San Diego) y del so centru médicu asociáu (USCD Medical Center) tien desarrolláose tamién, nos caberos años, un importante sector biotecnolóxicu.
Enllaces esternosEditar
Wikimedia Commons tien conteníu multimedia tocante a San Diego.- Páxina web oficial de la ciudá (n'inglés)
- Páxina web de la San Diego Tourism Authority (n'inglés)
