San Petersburgu (Florida)

San Petersburgu ye una ciudá del estáu norteamericanu de Florida. Asitiada nel condáu de Pinellas, tenía en 2015 (U.S. Census Bureau) una población estimada de 257.083 habitantes, que faen d'ella la quinta ciudá más poblada de Florida y la mayor que nun ye cabeza de condáu[2]. La sé del condáu de Pinellas ye la ciudá de Clearwater, que forma xunto con San Petersburgu y Tampa y los sos suburbios l'área estadística metropolitana Área de la badea de Tampa, la segunda mayor de Florida colos sos 2,8 millones d'habitantes[3]. La ciuda ta asitiada nuna península, ente la badea de Tampa y el golfu de Méxicu, que se coneuta al continente na so fastera septentrional[4].

San Petersburgu
Alministración
PaísBandera de Estaos Xuníos d'América Estaos Xuníos
EstaosBandera de Florida Florida
Condáu condáu de Pinellas
Tipu d'entidá ciudá de los Estaos Xuníos[1]
Cabezaleru/a del gobiernu Ken Welch (en) Traducir
Nome oficial St. Petersburg (en)
Nome llocal St. Petersburg (en)
Códigu postal 33701, 33703-33705, 33710, 33712-33713, 33715
Xeografía
Coordenaes 27°46′23″N 82°38′24″W / 27.7731°N 82.64°O / 27.7731; -82.64
San Petersburgu alcuéntrase en los EE.XX.
San Petersburgu
San Petersburgu
San Petersburgu (los EE.XX.)
Superficie 356.49541 km²
Altitú 134 m
Demografía
Población 258 308 hab. (1r abril 2020)
Porcentaxe 100% de condáu de Pinellas
1.2% de Florida
0.08% de Estaos Xuníos
Densidá 724,58 hab/km²
Viviendes 111 957 (31 avientu 2020)
Más información
Fundación 1876
Prefixu telefónicu 727
Estaya horaria UTC−05:00 (horariu estándar)
UTC−04:00 (horariu de branu)
Horariu del este de Norteamérica
Llocalidaes hermaniaes San Petersburgu, Takamatsu y Figueres
stpete.org
Cambiar los datos en Wikidata
Llocalización de San Petersburgu dientro del condáu de Pinellas y del estáu de Florida.

San Petersburgu foi fundada en 1888 por John C. Williams, que compró los terrenos nos que s'asienta, y por Peter Demens, que traxo a la zona a la industria del ferrocarril[5][6]. Tres de xugalo a cara o cruz ente dambos, el ganador, Demens, dio-y a la tierra aú llevantaríen la ciudá'l nome de San Petersburgu, pola ciudá rusa homónima, na que naciera; el perdedor, Williams, daría-y el nome de la so ciudá natal, Detroit, al primer hotel construyiu na zona[7]. San Petersburgu algamó l'estatus de ciudá'l 6 de xunu de 1903[5][8].

En 1914 establecióse nella'l primer serviciu aereu regular del mundu, con un avión que cruciaba, tresportando un únicu pasaxeru, al traviés de la badea de Tampa, xuniendo les ciudaes de Tampa y St. Pete, que ye'l nome popular que avecen a dá-y a la ciudá los sos habitantes. La ciudá recibe tamién el nomatu de "Cuidá del Sol" (Sunshine City), porque tien una media de 361 díes soleaos cada añu, y el récor mundial de díes siguíos con sol, 768[9][10]. Lo bonal del so clima y el baxu costu de la vida la ciudá tien sío de tiempu atrás destín de munchos norteamericanos que se muden a ella de la que se xubilen, magar que nos caberos años vese una tendencia al rexuvenecimientu de la so población[11].

Referencies editar

  1. Asitiáu na entidá alministrativa territorial: ensin valor.
  2. «Age Groups and Sex: 2010 - State -- Place (GCT-P2): Florida». U.S. Census Bureau, American Factfinder. Archiváu dende l'orixinal, el 11 de setiembre de 2013. Consultáu'l 8 de mayu de 2012.
  3. «Profile of General Population and Housing Characteristics: 2010 Demographic Profile Data (DP-1): Tampa-St. Petersburg-Clearwater, FL Metro Area». U.S. Census Bureau, American Factfinder. Archiváu dende l'orixinal, el 11 de setiembre de 2013. Consultáu'l 8 de mayu de 2012.
  4. «St. Petersburg: Geography and Climate». Consultáu'l 30 de setiembre de 2015.
  5. 5,0 5,1 «History of St. Petersburg». Consultáu'l 30 de setiembre de 2015.
  6. Hartzell, Scott Taylor. Arcadia Publishing: St. Petersburg: An Oral History. ISBN 9780738514253.
  7. «St. Petersburg Founded By Sufferer From Asthma». The Pittsburgh Press (10 de febreru de 1935). Consultáu'l 29 de payares de 2016.
  8. «What happened on February 29 in 1892 year». Consultáu'l 30 de setiembre de 2015.
  9. «St. Petersburg At A Glance». Consultáu'l 5 d'ochobre de 2013.
  10. Osborn, Liz. «Sunniest Places in United States». Consultáu'l 10 de payares de 2015.
  11. Johnson, Carrie (3 de marzu de 2004). «Tampabay: 'God's waiting room?' Try 'great place to live'». Consultáu'l 10 de payares de 2015.