Saquéu de Baltimore
El saquéu de Baltimore foi una incursión perpetada na madrugada del 19 de xunu de 1631 pol corsariu y renegáu neerlandés Jan Janszoon (alies Murat Reis),[1] nel pequeñu pueblu irlandés de Baltimore, Cork, al sur del país, na cual fueron prindaes 107 habitantes que fueron llevaos como eslavos.[2]
Llegáu dende la so base en Arxel, onde taba al serviciu de la República de Salé, Janszoon, a mandu d'unos 200 homes a bordu de dos jabeques, tenía probablemente previstu atacar Kinsale, pero'l patrón d'unu de los barcos que prindara mientres el viaxe convenciólu que sería más fácil atacar Baltimore, por non tener esti últimu defensa dalguna y llevólos ellí en cuenta de la so llibertá.[3]
Contestu editar
A lo llargo de la primer metá del sieglu XVII, amás de les sos fazañes nel Mediterraneu, los pirates berberiscas tamién prindaren alredor de 500 barcos nes mariñes de les islles britániques (ente 1609 y 1616 fueron prindaos 466, amás de 27 naves prindaes cerca de Plymouth en 1625),[3] llegando inclusive a atacar pueblos de, sobremanera, Devon y Cornualles. Na segunda metá del sieglu, ente 1677 y 1680, fueron capurados 160 naves británicos, con ente 7000 y 9000 persones llevaes como eslavos.[3]
Ver tamién editar
Referencies editar
- ↑ Lambert, Frank (2007) (n'inglés) The Barbary Wars: American Independence in the Atlantic World, páx. 4. Macmillan. En Google Books. Consultáu'l 19 de xunu de 2014.
- ↑ (n'inglés) «The Sack of Baltimore.» Baltimore Heritage Limited. Consultáu'l 19 de xunu de 2014.
- ↑ 3,0 3,1 3,2 (n'inglés) «British Slaves on the Barbary Coast.» BBC. Consultáu'l 19 de xunu de 2014.
Bibliografía editar
- Ekin, Des. The Stolen Village - Baltimore and the Barbary Pirates, O'Brien Press Ltd
