Seleición femenina de fútbol de Corea del Norte

Seleición femenina de fútbol de Corea del Norte
Situación
Estáu	Corea del Norte
Datos
Tipu	selección nacional femenina de fútbol (es)
Propietariu	Asociación de Fútbol de Corea del Norte (es)
Instalaciones
Estadiu	Estadiu Rungrado Primeru de Mayu
Dueñu de	Asociación de Fútbol de Corea del Norte (es)
Uniforme
Titular	Alternativu
	;

Pa ver la seleición masculina, seleición masculina de fútbol de Corea del Norte.

La Seleición femenina de fútbol de la República Popular Democrática de Corea ye l'equipu representativu del país nes competiciones oficiales, acomuñáu a l'AFC. Apostó cuatro mundiales de fútbol de manera consecutiva (1999, 2003, 2007 y 2011), pero nun pudo competir na edición de 2015 por un casu de dopaxe nel mundial de 2011.

Na Copa Mundial femenina de 1999 nun pasó de la primer fase, perdiendo 2-1 contra Nixeria y 3-0 contra EE. UU., anque venció 3-1 a Dinamarca.

Na Copa Mundial de 2003 tampoco pasó de la primer fase. Perdió 3-0 y 1-0 con EE. UU. y Suecia respeutivamente, pero venció a Nixeria por 3-0.

Mientres la Copa Mundial de 2007 consiguió pasar de la primer fase, quedando segunda de grupu n'empatando 2-2 con EE. UU., ganar a Nixeria 2-0 y perder contra Suecia 2-1. Nos cuartos de final Corea del Norte perdió 3-0 contra Alemaña, vencedora d'aquel mundial.

A lo último, na Copa Mundial de 2011 quedó esaniciada na primer fase, perdiendo 2-0 con EE. UU., volver vencer contra Suecia por 1-0 y empatar con Colombia 0-0.

Sicasí, a nivel continental, la seleición femenina de fútbol de Corea del Norte llogró ser campeón de la Copa Asiática femenina de la AFC en 3 oportunidaes (2001, 2003 y 2008), convirtiéndose xunto a la seleición de China Taipéi, na segunda seleición con más títulos d'esti tornéu n'Asia.

A pesar de les poques resultancies de la seleición absoluta, Corea del Norte consiguió ganar 4 mundiales de fútbol coles sos seleiciones Sub-20 (2006 y 2016) y Sub-17 (2008 y 2016), más 1 subcampeonatu y 1 cuartu llugar nes categoríes mentaes.

Palmarés

Seleición absoluta

Copa Asiática femenina de la AFC (3): 2001, 2003, 2008
- Subcampeón (3): 1993, 1997, 2010
- Tercer llugar (2): 1999, 2006
- Cuartu llugar (1): 1991