Semeya de Rodolfo II en traxe de Vertumno

Semeya de Rodolfo II en traxe de Vertumno
L'imperatore Rodolfo II in veste di Vertumno.
Tipos	pintura
Artista	Giuseppe Arcimboldo
Añu	1590
Xéneru	semeya
Material	pintura al oleu y tabla (es)
Dimensiones	70 () × 58 () cm
Coleición	Versalles (Yvelines)
Catalogación
Códigu muséu	SKO 11615

La Semeya de Rodolfo II en traxe de Vertumno ( c.1590, Skoklosters Slott, Suecia) ye quiciabes la obra más ambiciosa de Giuseppe Arcimboldo en pintura al oleu, una exuberante semeya de Rodolfo II, carauterizáu como'l dios etruscu y romanu, Vertumno.^[1]

Antecedentes

Por esta dómina, el pintor, yá al serviciu de Maximiliano II na corte rudolfina de Praga, sigui desenvolviendo la so producción sol mecenalgu del so fíu, l'emperador Rodolfo II, qu'en 1580 anoblez a la familia Arcimboldo. En 1585, l'artista italianu dedica a Rodolfo un álbum con cientu cuarenta y ocho dibuxos pa vistíos, tocaos y oxetos d'adornu, exemplar magníficu de la so obra gráfica güei na Galería Uffizi de Florencia, ente los que destaquen los sos diseños, pa ser utilizaos en fiestes y representaciones escéniques de la Corte, de vistíos pa les personificaciones de la Xeometría, la Música, la Retórica, l'Astronomía y de Cancerbero.^[2]

En 1591 realiza la semeya del propiu emperador Rodolfo II concebíu como Vertumno, que representaba la bayura de frutos de la naturaleza nes diverses estaciones del añu;^[1] yera ésti maríu de Pomona, de la mesma diosa proteutora de los frutos en sazón. Esta obra del Vertumno, unviada per parte de Arcimboldo dende Milán a Praga, foi acompañada d'un poema celebrativo de Gregorio Comanini (1550-1608):

Mira la mazana, mira'l piescu

como se m'ufierten en dambes mexelles

redondos y llenos de vida

Fijate nos mios güeyos

de color cereza unu

l'otru de color de mora.

Non te dexes engañar, ye la mio cara.

Europeana 280

N'abril de 2016, la pintura La muerte xuega al axedrez foi escoyida como una de les diez más grandes obres artístiques de Suecia pol #proyeutu Europeana.^[3]

Referencies

↑ ^1,0 ^1,1 Giuseppearcimboldo.org. (ed.): «Giuseppe Arcimboldo Biography» (inglés). Archiváu dende l'orixinal, el 2010-06-25. Consultáu'l 26 de mayu de 2016.</ref
↑ Startsida (ed.): «Giuseppe Arcimboldo» (inglés). Consultáu'l 26 de mayu de 2016.
↑ «Europeana 280 Blog» (inglés). Archiváu dende l'orixinal, el 2016-05-01. Consultáu'l 25 de mayu de 2016.

Enllaces esternos

[biografia-1] 1,0 ^1,1 Giuseppearcimboldo.org. (ed.): «Giuseppe Arcimboldo Biography» (inglés). Archiváu dende l'orixinal, el 2010-06-25. Consultáu'l 26 de mayu de 2016.</ref

[2] Startsida (ed.): «Giuseppe Arcimboldo» (inglés). Consultáu'l 26 de mayu de 2016.

[3] «Europeana 280 Blog» (inglés). Archiváu dende l'orixinal, el 2016-05-01. Consultáu'l 25 de mayu de 2016.

[1]

[2]

[3]