Seresco ye una compañía, orixinaria del Principáu d'Asturies, dedicada al desenvolvimientu de soluciones de software y a la prestación de servicios dientro del ámbitu de les Teunoloxíes de la Información y Comunicación (TIC). Fundada en 1969, tien la so sede central n'Uviéu y cuenta na actualidá con centros de servicios en Barcelona, Madrid, Lleón, Uviéu y Vigo.

La empresa realiza dende llabores de consultoría, hasta'l desenvolvimientu de software, pasando pola integración de soluciones de xestión, recursos humanos, el desenvolvimientu d'infraestructures téuniques, formación y servicios cartográficos. La cartera de veceros de Seresco ta compuesta por organizaciones de tolos sectores según por diversos organismos de les Alministraciones Públiques.

Seresco ye una de les principales dinamizadoras del sector nel Principáu d'Asturies cola constitución de la Oficina W3C, la Fundación CTIC y el Cluster TIC. Amás ye sociu fundador de AETIC (Asociación d'Empreses d'Electrónica, Teunoloxíes de la Información y Telecomunicación d'España) y caltién aliances con empreses como Microsoft, SAP, Oracle o Esri.

Hestoria

Seresco
Llocalización
Sede	Uviéu
Direición	España
Historia
Fundación	1969
	Web oficial

Seresco foi creada'l 3 de mayu de 1969 por un grupu d'industriales d'Asturies col nome Asturiana d'Informática S.A. Al añu siguiente, empecipiaron les actividaes de formación creando la primer escuela d'informática d'Asturies.

Oficines de Seresco n'Uviéu (España), en 2010.

En 1973 empecipió la so espansión fuera del Principáu cola apertura de la so delegación en Galicia. Un añu dempués entró nel so accionariado la empresa Seresco, lo que motivó'l cambéu de nome por Seresco Asturiana.

El so primera gran finxu prodúxose col llanzamientu d'IRIS en 1984, un sistema integráu de xestión pa la PYME. Tres años dempués, ye'l so seición dedicada a la formación la que consigue abrir la Escuela de Formación Profesional de Xixón. A finales de los 80 y principios de los 90, Seresco encadena dellos proyeutos significativos destacando ente ellos la constitución, con IBM, de la sociedá LAB2000 pal desenvolvimientu de software avanzáu o l'apertura de les sos delegaciones en Madrid y Barcelona.

En 1997 Seresco adquier los derechos de propiedá sobre la marca y denominación de Seresco camudando la so denominación social de Seresco Asturiana a sólo Seresco. En 2002, llancen Milena Personal, una solución de nómina y recursos humanos que completariase años dempués con Milena Xestión. Dos años más tarde, algamen un alcuerdu de comercialización y formación cola multinacional SAP.

En 2005 constitúin la oficina W3C, la Fundación CTIC y el Cluster TIC d'Asturies. Darréu, algamaríen distintos alcuerdos con ESRI (Sistemes d'Información Xeográfica), Business Objets y Oracle (Business Intelligence).

Datos

Seresco facturó 25 millones d'euros en 2009 y tien unos 530 emplegaos. El so direutor xeneral ye Manuel Ángel Busto Riego. Ente los sos veceros inclúyense'l Gobiernu del Principáu d'Asturies, la Xunta de Galicia, el Conceyu de Xixón, Grupu PSA-Citroen, Sanitas Residencial, ALSA, Santiveri, Sanyo y Feve, ente otros.

Servicios

L'actividá tá arrexuntá en cinco árees:

Área de Consultoría y Desenvolvimientu de Software

Dende esti área realiza l'actividá clásica de desenvolvimientu de software. Amás cubre los servicios de consultoría y desenvolvimientu en Sistemes d'Información Xeográfica (GIS) y Business Intelligence (BI).

Área de Nómina y Xestión Empresarial

Na parte de xestión faen soluciones integraes (ERP) pa la xestión financiera, comercial y loxística de PYME.Na de recursos humanos, amás de desenvolver aplicaciones pa l'alministración de nómina y xestión de recursos humanos, tamién trabayen na externalización d'estos procesos.

Área d'infraestructures, sistemes y servicios

Consultoría Estratéxica en TI; Arquiteutura de Sistemes y Plataformes y Outsourcing de Servicios TI.

Área de Cartografía y Catastru

Ye una actividá qu'empezó en 1985 cola Xestión Catastral tantu de rústica como d'urbana. Posteriórmente estendióse a la producción y caltenimientu de cartografía en tol territoriu nacional.

Área de Teunoloxía, Innovación y Formación

La formación foi una actividá histórica en Seresco, siendo la piónera del séctor n'Astuyries. Anguaño imparten masters y cursos qu'inclúin certificaciones oficiales de los fabricantes, así cómo e-Learning.

Competencies y certificaciones

El sistema de xestión de Seresco foi certificáu por Lloyds Register según la normativa UNE-EN ISO 9001:2008 y 14001:2004. Tamién llogró la certificación de nivel 3 na evaluación del modelu CMMI calidable del software y ye miembru de itSMF España, organización internacional independiente dedicada a la xestión de servicios TI.

Enllaces esternos

Páxina web de Seresco
Entrevista a Manuel Busto, direutor xeneral de Seresco (Computer World) (enllaz rotu disponible n'Internet Archive; ver l'historial y la última versión).
tic-en-la-gestion-empresarial/ Les TIC na xestión empresarial: Seresco (El Comercio) (enllaz rotu disponible n'Internet Archive; ver l'historial y la última versión).
Opinión sobre Seresco (Ciao)

Referencies

Enllaces esternos

Wikimedia Commons tien conteníu multimedia tocante a Seresco.