Masculín

Masculín ye un axetivu que n'asturianu úsase con dellos significaos, según s'use pa definir una realidá biolóxica, sociolóxica o gramatical:

• En bioloxía, úsase pa denomar al sexu masculín, unu de los dos aparatos reproductores especializaos que tienen los seres vivos con sistemes de reproducción sexual. Más allá de les diferencies ente les distintes especies sexuaes, el sexu masculín defínese pola producción d'un tipu de célules reproductives especializaes denominaes espermatozoides o gametos masculinos, que tienen la metá de la información xenética necesaria pa xenerar un nuevu ser. La otra metá tien de ser producida por un aparatu reproductor distintu, que lleva'l nome de sexu femenín, que produz óvulos, o gametos femeninos. Los seres vivos sexuaos reprodúcense per aciu la fusión d'un óvulu producíu pol sexu femenín y un espermatozoide producíu pol sexu masculín, procesu denomáu fertilización. Dellos individuos namái tienen aparatu reproductor femenín, ente qu'otros namái tienen aparatu reproductor masculín: nestos casos a los primeros denómase-yos fema y los segundos machos. El sexu masculín represéntase col símbolu ♂ (Unicode: U+2642), un círculu con una flecha empobinada escontra'l cuadrante cimeru derechu, correspondiente al símbolu de Marte, dios romanu representando por un escudu y una llanza.
• En socioloxía, utilízase pa denomar al xéneru masculín, un fenómenu cultural que ye autónomu del sexu biolóxicu que puedan tener los seres humanos, y que define los roles, práutiques y estereotipos rellacionaos cola condición d'home (home), muyer o otres identidaes de xéneru, según la cultura de que se trate. Ente que'l sexu femenín defínese pola producción d'óvulos o otres carauterístiques biolóxiques, el xéneru masculín defínese por carauterístiques culturales como ciertes vistimientes, maneres de llucir el pelo o la cara, maneres de falar o caminar, roles sociales especialmente asignaos, valores morales, etc., que varien según la cultura de que se trate. En delles cultures almítense solu dos xéneros, home y muyer (binarismu de xéneru), ente que n'otres cultures almiten trés o más xéneros.

Masculín
grupu de seres vivos
ser vivu

• En gramática denómase xéneru masculín a unu de los varios xéneros gramaticales (femenín, masculín, neutru, ambiguu, común y epicenu) esistentes en dalgunos idiomes, xeneralmente referíos a los sustantivos, ensin qu'esista correllación lóxica necesaria col eventual sexu biolóxicu col que pudieren tar rellacionaos los oxetos denominaos por dichos sustantivos. Por casu, n'asturianu, el sustantivu escorpión ye de xéneru masculín, entá cuando los escorpiones pueden ser machos o femes. Otros exemplos de conceutos de xéneru masculín n'asturianu son les pallabres llibru, mieu, país, planeta o feminismu. Los xéneros non necesariamente se correspuenden ente los distintos idiomes: por casu, ente que "madre" n'asturianu tien xéneru femenín, mère, el so equivalente en francés, tien xéneru masculín. La regla del masculín xenéricu, ye una regla gramatical del idioma español, qu'ordena usar el masculín cuando se menten grupos de coses de dambos xéneros: por casu, "mañana tienen de votar los ciudadanos d'esti país".

Ver tamién

• Home
• Femenín
• Aparatu reproductor masculín
• Patriarcáu
• Masculín xenéricu

Enllaces esternos

• Wikimedia Commons acueye conteníu multimedia sobre Masculín.

• Datos: Q44148
• Multimedia: Males