Shrine Auditorium
El Shrine Auditorium ye un llugar de referencia de los grandes eventos en Los Angeles, California.
| Shrine Auditorium | |
|---|---|
 Llugar Históricu de los EE.XX. | |
function hall (en)  , teatru y sala de cine | |
 | |
| Llocalización | |
| País |  Estaos Xuníos |
| Estaos |  California |
| Condáu |  condáu de Los Angeles |
| Ciudad chárter (es) |  Los Angeles |
| Coordenaes | 34°01′24″N 118°16′54″W / 34.0233°N 118.2817°O |
  Shrine Auditorium Shrine Auditorium (los EE.XX.) | |
| Historia y usu | |
| Apertura | 1925 |
| Arquiteutura | |
| Arquiteutu/a | G. Albert Lansburgh |
| Estilu | arquiteutura neoárabe |
| Patrimoniu | |
| NRHP | 87000577 |
| Web oficial | |
 | |
Diseñáu por G. Albert Lansburgh, A.M. Edelman y John C. Austin, y construyíu en 1906, el Shrine Auditorium ye propiedá del Al Malaikah Auditorium Company, y cumple al empar la doble función de centru d'espectáculos y de sede de la Fraternidá Shriner, tamién conocíos como Shriners, organización collateral integrante de la Masonería. El 11 de xineru de 1920 foi destruyíu por una quema y reconstruyíu darréu, reinauguróse en 1926. En 2002, l'Auditorium sufrió una remodelación que supunxo la inversión de 15 millones de dólares na meyora del llume del escenariu, el sistema de cordaxes, un nuevu teyáu y aire acondicionao tantu nel Auditorium como nel Centru d'esposiciones, según otres meyores menores. El complexu enteru sigue una estilu arquiteutónicu marroquín.
El Shrine Auditorium tien una capacidá d'unes 6300 persones y un escenariu de 59 metros d'anchu y 21 metros de fondura. Ente otros eventos, l'Auditorium acoyó les ceremonies d'entrega de los Óscar, los Grammys, los MTV Video Music Awards, los Emmys, los American Music Awards, y los NAACP Image Awards. Siendo tovía'l llugar onde se celebren los Emmys. L'Auditorium acoyó delles ceremonies d'entrega de los Oscars dende mediaos de los 80 hasta que se treslladaron a la so sede definitiva, el Teatru Dolby, y foi la sede d'entrega de los Grammys hasta que se construyó'l Staples Center. Amás, mientres 33 años, el Shrine Auditorium foi la sede de los trojans, l'equipu de baloncestu de la Universidá del Sur de California. La pista de baloncestu atopábase asitiada nel escenariu del Shrine.
El Shrine tamién acoyó conciertos, obres de teatru y otros eventos. Por casu, el Shrine Auditorium acoyó'l 23 de xunetu de 2006 la eleición de Miss Universu 2006.
Shrine Expo Center
editarAxacente al Shrine Auditorium asítiase'l centru d'Esposiciones, qu'ocupa una estensión de 5000 metros cuadraos, y con una capacidá pa 4000 espositores.
Referencies
editarEnllaces esternos
editar
Wikimedia Commons acueye conteníu multimedia sobre Shrine Auditorium.- Páxina oficial del Shrine Auditorium
- Web oficial de la Shriner's Fraternity of North America
Datos: Q731437- Multimedia: Shrine Auditorium
