Skikda

Skikda (n'árabe: ولاية سكيكدة ) ye'l nome d'una ciudá del noroeste d'Arxelia, capital de la provincia del mesmu nome, y de un puertu nel golfu de Stora, l'antiguu Sinus Numidicus. El so nome foi Philippeville hasta'l final de la guerra d'Independencia d'Arxelia en 1962.

Skikda
Alministración
País	Arxelia
Provincia	provincia de Skikda
Dairas (es)	Skikda District (en)
Tipu d'entidá	ciudá
Nome oficial	Philippeville (fr)
Nome llocal	سكيكدة (ar)
Códigu postal	21000
Xeografía
Coordenaes	36°52′N 6°54′E
Skikda Skikda (Arxelia)
Superficie	52 km²
Altitú	24 m
Demografía
Población	163 318 hab. (2008)
Porcentaxe	100% de Skikda District (en)
Densidá	3140,73 hab/km²
Más información
Fundación	1838
Estaya horaria	UTC+01:00
Llocalidaes hermaniaes	Belfort

Historia

Skikda foi fundada en 1838 polos franceses sobre les ruines d'una antigua ciudá fenicia que floriara como ciudá romana col nome de Rusicade, pallabra púnica que significa «Puexu de fueu». Nel sieglu V, el puertu romanu foi destruyíu polos vándalos.

Un llevantamientu armáu en 1955 dexó 123 muertos, la mayoría d'ellos franceses y sospechosos de collaboración. La represalia tomada poles fuercies franceses podría acabar cola vida d'unos 12.000 arxelinos, anque'l númberu dau por fontes franceses ye d'unos 1.200.

Skikda moderna

La ciudá tenía 152.355 habitantes en 1998 (datos del censu). Gas natural, refineríes, y petroquímiques son les industries que se desenvolvieron na década de 1970. El conceyu (un palaciu d'estilu neomorisco) y l'estación del ferrocarril fueron diseñaos por Le Corbusier.

Los colores de la bandera de la ciudá son el blancu y l'azul. El códigu postal ye'l 21000. Los ingresos del conceyu de Skikda tán ente los más elevaos del norte d'África. Skikda tien el tercer mayor puertu comercial d'Arxelia tres Arxel y Orán.

Enllaces esternos

• Philippeville, Arxelia

• Datos: Q2292517
• Multimedia: Skikda