Software pa wikis

Les ferramientes de software pa wikis son una forma de software collaborativu pa soporte de los Wikis. Davezu impleméntense vía la interfaz CGI de los sirvidores web. Un Wiki ye un sitiu que permite lleer, editar y crear páxinas qu'al final son visualizaes en formatu HTML. Los wikis empléguense como sofitu pa la collaboración, pa documentación, compilación d'informaciones, etc. Típicamente, les páxines almacénense nuna base de datos y inclúinse hipervínculos xeneraos dinámicamente. MediaWiki ye un exemplu de software llibre pa wiki, el cual xestiona a la Wikipedia.

Historia editar

El primer software pa wikis, creólu Ward Cunningham pa contra 1995. Anguaño, esiste una bayura de preseos pa wikis. Munchos d'ellos distribúinse con llicencia GPL.

Un software pa wikis inclúi too lo necesario pa remanar un wiki. Esto pue incluyir, amás del motor Wiki, un sirvidor Web, una ferramienta de soporte de versiones, un editor WYSIWYG en JavaScript, un xenerador de gráfiques, de notación matemática, una ferramienta de dibuxu y munches otres estensiones posibles.