Soraya Sáenz de Santamaría
María Soraya Sáenz de Santamaría Antón, más conocida como Soraya Sáenz de Santamaría, (10 de xunu de 1971, Valladolid) ye una xurista, abogada del Estáu, profesora y política española miembru del Partíu Popular. Dende'l 4 de payares de 2016 ye vicepresidenta y ministra de la Presidencia y pa les Alministraciones Territoriales del Gobiernu d'España presidíu por Mariano Rajoy.
_(cropped).jpg)
.svg){kind=small}
Na anterior llexislatura ocupó la vicepresidencia, el Ministeriu de la presidencia y la portavocía del gobiernu; esta última competencia pasó a Íñigo Méndez de Vigo na formación del gobiernu de l'actual llexislatura.
Enantes, ocupara'l cargu de secretaria executiva de Política Territorial del Partíu Popular y un escañu de diputada per Madrid mientres la VIII Llexislatura (2004-2008). Na IX Llexislatura foi designada por Mariano Rajoy como la vocera del Grupu Popular nel Congresu de los Diputaos, en sustitución d'Eduardo Zaplana.[8]
Biografía
editarNació en Valladolid en 1971 (fía de Pedro Sáenz de Santamaría y de Petra Antón), y llogró la llicenciatura en Derechu na Universidá de Valladolid cuando tenía ventitrés años, quedando primer de la so promoción.[9][10] Con ventisiete años ingresó por oposición nel cuerpu d'abogaos del Estáu, siendo destinada primeramente a Llión. Foi profesora de Derechu alministrativu na Universidá Carlos III de Madrid.
Casóse polo civil en Brasil col abogáu del Estáu José Iván Rosa Vallina nel añu 2005, ye madre d'Iván, nacíu'l 11 de payares de 2011.[11] El so maríu foi contratáu por Telefónica en 2012 como asesor xurídicu de la so división internacional (TISA).[12]
Carrera política
editarEn 2000, siendo abogada del Estáu, empezó la so carrera política como asesora xurídica del entós ministru Mariano Rajoy, a les órdenes direutes del so direutor de gabinete Francisco Villar García-Moreno.[13]
Ye especialista en política territorial, motivu pol cual ocupó'l cargu de secretaria executiva de Política Autonómica y Llocal del Partíu Popular. Amás, ye miembru del Comité Executivu Nacional del Partíu Popular.[14]
Nes eleiciones xenerales de 2004 collaboró nel diseñu del programa del Partíu Popular; neses mesmes eleiciones figuró nel puestu 18 de la llista eleutoral del PP al Congresu de los Diputaos pola circunscripción eleutoral de Madrid. A pesar de que la llista solo llogró 17 escaños, ella aportó al puestu cuando Rodrigo Rato, quien figuraba nel númberu dos d'esa llista, arrenunció al so escañu al ser nomáu presidente del Fondu Monetariu Internacional.
Nes eleiciones xenerales de 2008, figuró nel quintu puestu de les llistes pal Congresu per Madrid, resultando escoyida diputada.
El 31 de marzu de 2008, el líder del PP, Mariano Rajoy, anunció que Soraya Sáenz de Santamaría ocuparía'l cargu de vocera del Partíu Popular nel Congresu de los Diputaos en llugar d'Eduardo Zaplana, qu'ocupó'l mesmu cargu na anterior llexislatura.[15]
En ganando'l Partíu Popular les eleiciones xenerales de payares de 2011, el líder del PP, Mariano Rajoy, designó a Soraya Sáenz de Santamaría pa dirixir l'equipu de trespasu de poderes ente'l Gobiernu saliente del PSOE y el del Gobierno entrante, del PP.[16]
El 21 d'avientu de 2011 foi nomada vicepresidenta, ministra de la Presidencia —coles competencies sobre los servicios d'intelixencia, qu'enantes taben incluyíes en Defensa— y vocera del executivu presidíu por Mariano Rajoy.[17][18] Amás, el 3 de xunu de 2013 asumió la presidencia de la Comisión Delegada p'Asuntos Económicos, n'ausencia del Presidente del Gobiernu.[19]
Asumió interinamente les carteres de Xusticia (23-29 de setiembre de 2014) y Sanidá (26 de payares-3 d'avientu de 2014).
A partir del 4 de payares de 2016, na XII llexislatura, siguió ocupando la Vicepresidencia del Gobiernu y los ministerios de Presidencia y Alministraciones Territoriales, anque dexa de ser vocera del Gobiernu, yá que pasó a ocupar Íñigo Méndez de Vigo.
Referencies
editar- ↑ Afirmao en: Munzinger Personen. Identificador Munzinger: 00000029042. Data de consulta: 9 ochobre 2017. Apaez como: Soraya Saenz de Santamaria Anton. Llingua de la obra o nome: alemán.
- ↑ URL de la referencia: https://www.congreso.es/es/busqueda-de-diputados?p_p_id=diputadomodule&p_p_lifecycle=0&p_p_state=normal&p_p_mode=view&_diputadomodule_mostrarFicha=true&codParlamentario=285&idLegislatura=XII&mostrarAgenda=false.
- ↑ URL de la referencia: http://www.lamoncloa.gob.es/serviciosdeprensa/notasprensa/mpr/Paginas/2015/161215medallavice.aspx. Data de consulta: 25 ochobre 2017.
- ↑ Identificador del Boletín Oficial del Estado: BOE-A-2018-11182.
- ↑ Identificador del Boletín Oficial del Estado: BOE-A-1999-1845.
- ↑ Identificador del Boletín Oficial del Estado: BOE-A-2018-14484.
- ↑ «Soraya Sáenz de Santamaría se declara católica de las que practican más o menos según las circunstancias».
- ↑ «Rajoy inicia la renovación del PP colocando a Sáenz de Santamaría como portavoz en el Congreso.» (elpais.com)
- ↑ https://www.elmundo.es/elmundo/2011/04/20/valladolid/1303298756.html
- ↑ «Lista para la batalla.
- ↑ Barroso, F. J. (11 de payares de 2011).
- ↑ «Telefónica ficha como asesor jurídico al marido de Soraya Sáenz de Santamaría». La Voz de Galicia (22 de marzu de 2012). Consultáu'l 25 de marzu de 2012.
- ↑ Diario el País, 6 d'abril de 2008
- ↑ elmundo.es | encuentro digital con Soraya Sáenz de Santamaría
- ↑ «Rajoy inicia la renovación del PP colocando a Sáenz de Santamaría como portavoz en el Congreso.
- ↑ «Sáenz de Santamaría y Jáuregui dirigirán el traspaso de poderes.» · elmundo.es
- ↑ «Real Decreto 1826/2011, de 21 d'avientu, por el que se nombran Ministros del Gobierno».
- ↑ «Real Decreto 1825/2011, de 21 d'avientu, por el que se nombra Vicepresidenta del Gobierno a doña María Soraya Sáenz de Santamaría Antón.
- ↑ «Rajoy coloca a Sáenz de Santamaría en la Comisión de Asuntos Económicos.
Enllaces esternos
editar
Wikiquote tien frases célebres suyes o que faen referencia a Soraya Sáenz de Santamaría.
Wikimedia Commons acueye conteníu multimedia sobre Soraya Sáenz de Santamaría.- Biografía oficial (Congresu de los Diputaos)
Datos: Q41267- Multimedia: Soraya Sáenz de Santamaría
