Sténio Vincent
Sténio Joseph Vincent (22 de febreru de 1874, Puertu Príncipe – 3 de setiembre de 1959, Pétion-Ville) foi un abogáu y políticu haitianu, qu'exerció como Presidente de dichu país ente'l 18 de payares de 1930 y el 15 de mayu de 1941.[4]
Sténio Vincent | |||||
|---|---|---|---|---|---|
 | |||||
18 payares 1930 - 15 mayu 1941 ← Louis Eugène Roy - Elie Lescot →
| |||||
| Vida | |||||
| Nacimientu | Puertu Príncipe, 22 de febreru de 1874[1] | ||||
| Nacionalidá |
 Haití | ||||
| Muerte | Pétion-Ville, 3 de setiembre de 1959[1] (85 años) | ||||
| Estudios | |||||
| Llingües falaes | francés[2] | ||||
| Oficiu | políticu, escritor | ||||
| Nominaciones |
ver
| ||||
 | |||||
Biografía
editarSténio Vincent nació en Puertu Príncipe. Yera mulatu, fíu de Benjamin Vincent y Iramène Brea.[5]
Presidencia
editarGraduáu de la Escuela de Lleis a la edá de 18 años, foi escoyíu en 1915 xefe de la Cámara de Diputaos d'Haití. Foi Ministru del Interior y Obres Públiques ente 1916 y 1917 y, darréu, alcalde de Puertu Príncipe, la capital del país.
N'ochobre de 1930, los haitianos escoyeron per primer vegada una asamblea nacional dende 1918, que nomó a Sténio Vincent como Presidente d'Haití.[6] Políticamente, Vincent basara la so campaña nuna retórica nacionalista, n'oposición a la ocupación estauxunidense del país, esistente dende 1915.
N'agostu de 1934, el presidente de los Estaos Xuníos, Franklin D. Roosevelt, retiró los marines. Aun así, los Estaos Xuníos caltuvieron sobre Haití un control fiscal direutu hasta 1941 ya indireutu hasta 1947. En 1935, un plebiscitu estendió'l so periodu presidencial hasta 1941 y enmendó la constitución de cuenta que los futuros presidentes fueren escoyíos por votu popular.[7]
N'ochobre de 1937, tropes y policía de la República Dominicana masacraron miles d'obreros haitianos que vivíen cerca de la frontera, no que se conoció como Masacre del Perexil. Sténio Vincent esfrutaba d'una rellación de cooperación y soporte financieru col gobiernu del dictador dominicanu Rafael Trujillo, polo que nun hubo gran repercusión al respeutu. Namái dempués de dos años de relativa tranquilidá en Puertu Príncipe, les protestes de dellos sectores de la población aprucieron en contra de la débil respuesta dada por Sténio Vincent a la masacre. El gobiernu de República Dominicana alcordó en 1938 indemnizar a los familiares de los trabayadores muertos, anque gran parte d'esi dineru nun llegó a los destinatarios productu de los altos niveles de corrupción.
En 1941, Vincent declaró la so intención d'arrenunciar, y la transición de la presidencia al so socesor, Élie Lescot, realizóse pacíficamente.
Referencies
editar- ↑ 1,0 1,1 Afirmao en: autoridaes BNF. Identificador BnF: 13010866x. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Afirmao en: nobelprize.org. Identificador de nominación de persona al Premio Nobel: 9662. Editorial: Fundación Nobel. Llingua de la obra o nome: inglés.
- ↑ Profil de Sténio Vincent
- ↑ «Africana: The Encyclopedia of the African and African American Experience». Consultáu'l 4 de marzu de 2014.
- ↑ «HAITI: Five More Years for Stenio – TIME Magazine». Archiváu dende l'orixinal, el 2013-08-28.
- ↑ «Haiti», Haiti, Online, Encyclopædia Britannica, http://www.britannica.com/EBchecked/topic/251961/Haiti, consultáu'l 30 de xunetu de 2008
Datos: Q886213
Multimedia: Sténio Vincent
