Super Bowl V
El Super Bowl V,[1] foi'l nome que se-y dio al partíu de fútbol americano que definió al campeón de la temporada 1970-71 de la National Football League NFL. El partíu apostóse'l 17 de xineru de 1971 nel estadiu Miami Orange Bowl de la ciudá de Miami, Florida. El campeón de la National Football Conference (NFC) los Dallas Cowboys enfrentaron a los campeones de la American Football Conference (AFC), los Baltimore Colts. La victoria foi pal equipu de los Baltimore Colts que s'impunxo por 16-13 y de esta forma consiguió'l primer títulu pa la franquicia de los Colts nun Super Bowl y únicu na ciudá de Baltimore.
Super Bowl V | ||||
|---|---|---|---|---|
[[Ficheru: |260px]] | ||||
| Xeneral | ||||
| Deporte | fútbol americanu | |||
| Sede | Miami Orange Bowl | |||
| Estáu | Estaos Xuníos | |||
| Ganador | Baltimore Colts | |||
| Estadístiques | ||||
| Participantes |
Baltimore Colts (16) Dallas Cowboys (13) | |||
| Cronoloxía | ||||
| ||||
 | ||||
Resume del partíu editar
El Super Bowl V[2] empezó bien pareyu, anque los Dallas Cowboys abriríen el marcador con un gol de campu de Mike Clark de 14 yardes. Nel segundu cuartu, otru gol de campu de Clark, esta vegada de 30 yardes espurría la ventaya pa los Dallas Cowboys. Sicasí los Baltimore Colts responderíen rápido con una receición de John Mackey tres un pase llanzáu por Johnny Unitas de 75 yardes, anque Dallas bloquiaría'l puntu extra de Jim O'Brien. Los Dallas Cowboys diríense alantre con una anotación de Duane Thomas, tres un pase de 7 yardes de Craig Morton. Nel postreru cuartu Tom Nowatzke, de los Baltimore Colts, con un acarretu de 2 yardes empataría'l xuegu. Na última serie ofensiva del partíu, y con 5 segundos nel reló, Jim O'Brien con un gol de campu de 32 yardes dio-y el trunfu a los Baltimore Colts. El xugador más pervalible foi Chuck Howley, de los Dallas Cowboys. Única vegada na hestoria d'un Super Bowl que se-y apurrió esti premiu a un xugador del equipu perdedor, quien interceptó en dos causes, la primera a Johnny Unitas y la segunda a Earl Morrall que suplantó a Unitas por mancadura, amás Howley foi clave na defensiva de los Dallas Cowboys.
Referencies editar
- ↑ «Super Bowl V» (inglés). Consultáu'l 9 de xineru de 2013.
- ↑ «Super Bowl V fechaaccesu=9 de xineru de 2013 idioma=castellanu». Archiváu dende l'orixinal, el 12 de marzu de 2005.
Ver tamién editar
Datos: Q168380
Multimedia: Super Bowl V
