Tau Canis Majoris
Tau Canis Majoris (τ CMa / 30 Canis Majoris / HD 57061)[8] ye una estrella na constelación de Canis Maior, la más brillosa del cúmulu abiertu NGC 2362. De magnitú aparente +4,37, alcuéntrase a una distancia averada de 4800 años lluz del Sistema Solar.
Coordenaes: 
7h 18m 42.486s, -24° 57′ 15.741″
Tau Canis Majoris ye una superxigante azul del pocu frecuente tipu espectral O, en concretu O9Ib. Forma parte d'un sistema estelar masivu de siquier cinco componentes. En primer instancia Tau Canis Majoris ye una estrella triple, con dos estrelles de magnitúes 4,9 y 5,3 separaes 0,15 segundos d'arcu, y una estrella más tenue de magnitú 10 a 8 segundos d'arcu. De les componentes del par interior, una d'elles ye una binaria espectroscópica con un periodu orbital de 155 díes. De la mesma, una d'estes estrelles ye una binaria eclipsante del tipu Beta Lyrae, nesti casu con un periodu orbital de namái 1,28 díes.[9]
La lluminosidá conxunta de los cuatro estrelles interiores equival a 500.000 soles, lo que suxer mases medies de 20 mases solares. La separación ente les componentes del par interior eclipsante ye de 0,10 UA, tando esta binaria aproximao a 5 UA de la siguiente componente. La cuarta componente orbita a una distancia de 223 UA respectu al tríu anterior, ente que la postrera y más tenue estrella tópase alloñada siquier 13.000 UA. Son toes estrelles bien nueves, con una edá de tan solo 5 millones d'años.[9]
Referencies
editar- ↑ 1,0 1,1 1,2 1,3 1,4 1,5 Afirmao en: SIMBAD.
- ↑ 2,0 2,1 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ Norberto Castro (19 avientu 2016). «The IACOB project. III. New observational clues to understand macroturbulent broadening in massive O- and B-type stars» (n'inglés). Astronomy and Astrophysics. doi:.
- ↑ 5,0 5,1 G. Holgado (2018). «The IACOB project. V. Spectroscopic parameters of the O-type stars in the modern grid of standards for spectral classification» (n'inglés). Astronomy and Astrophysics: páxs. 65–65. doi:.
- ↑ Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ E. J. Alfaro (25 febreru 2014). «The Galactic O-Star Spectroscopic Survey (GOSSS). II. Bright southern stars». The Astrophysical Journal Supplement Series (1): páxs. 10. doi:.
- ↑ Tau Canis Majoris (SIMBAD)
- ↑ 9,0 9,1 Tau Canis Majoris (Stars, Jim Kaler)
Coordenaes: 7h 18m 42.486s, -24° 57′ 15.741″
Datos: Q2717822
