Abrir el menú principal

Tenerife ye una islla, la mayor y más habitada de les siete islles Canaries, asitiaes nel norte d'África y pertenecientes al reinu d'España. Ye la de más población d'ente toles españoles: nos sos 2.034,38 km² viven 898.680 habitantes, el 43% de tolos canarios. Tenerife ye la mayor y más poblada de les islles de Macaronesia.

Tenerife
Tenerife
Puzzle Tenerife.jpg
Situación
Tenerife locator.png
PaísBandera d'España España
AutonomíaFlag of the Canary Islands (simple).svg Canaries
ProvinciaProvincia de Santa Cruz de Tenerife
Tipu isla volcánica Traducir
Parte de Canaries
Asitiáu en Océanu Atlánticu
Coordenaes 28°16′07″N 16°36′20″O / 28.268611111111°N 16.605555555556°O / 28.268611111111; -16.605555555556Coordenaes: 28°16′07″N 16°36′20″O / 28.268611111111°N 16.605555555556°O / 28.268611111111; -16.605555555556
Tenerife is located in España
Tenerife
Tenerife
Tenerife (España)
Datos
Altitú media 10 m
Puntu más altu Teide
Superficie 2034 km²
Población 904 713
Fusu horariu UTC±00:00
Web oficial
Cambiar los datos en Wikidata
Tenerife

La islla ye ún de los más importantes destinos turísticos d'España y del mundu. Recibe cinco millones de visitantes al añu, qu'aporten a ella per barcu o por dalgún de los sos dos aeropuertos. Agospia ún de los mayores carnavales del mundu, y ye'l centru económicu del archipiélagu.

La so capital, Santa Cruz de Tenerife, ye la sede de la institución de gobiernu de la islla, el cabildu, y ye co-capital, xunto con Las Palmas de Gran Canaria, de la Comunidá Autónoma de les islles Canaries. Santa Cruz foi, de magar 1833, cuando se dividió España en provincies, hasta 1927, la capital única de l'archipiélagu, pero la Corona ordenó nesi añu que la capitalidá fora compartida. En Santa Cruz asítiase l'Auditoriu de Santa Cruz, símbolu arquiteutónicu de les islles Canaries.

Na islla alcuéntrase tamién, na ciudá de San Cristóbal de La Laguna, que fora capital del archipiélagu primeru de 1833 y qu'el so cascu antiguu ye Patrimoniu de la Humanidá, la más antigua universidá canaria: la Universidá de La Laguna. Otru llugar declaráu Patrimoniu de la Humanidá ye'l Parque Nacional del Teide, asitiáu metanes la islla. El Teide ye'l monte más altu d'España, el mayor de cualisquier islla del océanu Atlánticu, y el terceru mayor del mundu por altor midíu dende la so base. Al noroeste de la islla alcuéntrase'l macizu d'Anaga, Reserva de la Biosfera dende 2015, que ye'l llar del mayor númberu d'especies endémiques nún mesmu espaciu protexíu de toa Europa.

Enllaces esternosEditar