Trataos de Nimega
El Tratáu de Nijmegen roblóse'l 20 d'agostu de 1678 en Nijmegen (actuales Países Baxos) ente les Provincies Xuníes de los Países Baxos y el Reinu de Francia y punxo fin a la guerra con Holanda.
.jpg) | |
| Tipu | tratáu de paz |
|---|---|
| Llocalización | Nijmegen |
| Estáu | Países Baxos |
 | |
La invasión d'Holanda por Lluis XIV provocara la formación d'una gran coalición encabezada por Guillermu III d'Orange (estatúder de les Provincies Xuníes dende 1672) y sofitada por España, l'Imperiu, Brandeburgu, el Palatináu y Lorena (1673), que s'amosó incapaz de caltener l'emburrie de les armes franceses hasta qu'Inglaterra viose obligada, pola opinión pública inglesa, a abandonar a Francia nos sos planes d'espansión. Asina, Inglaterra roblaba una paz por separáu coles Provincies Xuníes.
Dáu'l cese de sofitu a Francia per Inglaterra, la coalición contra Lluis XIV pudo combatilo eficientemente hasta obligalo a empecipiar negociaciones de paz. En virtú de les mesmes, robláronse los Trataos de Nijmegen nos que Lluis XIV devolvió a España Courtrai, Oudenaarde, Gante, Charleroi y el ducáu de Limburgu; España dexó a Francia'l Francu Condáu y diverses places de los Países Baxos españoles (Cassel, Bailleul, Ypres, Wervik, Warneton, Cambrai, Bouchain, Condé-sur-l'Escaut, Bavay y Valenciennes); Holanda recuperó Maastricht y llogró ventayes financieres y comerciales; l'Imperiu venció Breisach y Friburgu en cuenta de Philipsburg.
La representación española nes conversaciones tuvo integrada por Pablo Spínola Doria, conseyeru d'Estáu y embaxador n'Alemaña; Pedro Ronquillo Briceño, conseyeru de Castiella ya Indies y embaxador n'Inglaterra; Juan Bautista Christien, conseyeru de Flandes; y Gaspar de Teves y Tello, conseyeru de Guerra.[1]
Esta paz perxudicó especialmente a los intereses españoles y a la causa del mediohermanu y primer ministru de Carlos II, Juan José d'Austria.
Referencies editar
- ↑ Ruiz Rodríguez, Ignacio. Don Juan José d'Austria na monarquía hispánica: ente la política, el poder y l'intriga. Llibrería-Editorial Dykinson, 2007. ISBN 8498490294, pp. 488
Enllaces esternos editar
Wikimedia Commons acueye conteníu multimedia sobre Trataos de Nimega 
.
Datos: Q316900- Multimedia: Peace of Nijmegen
