Trial
El trial ye la modalidá deportivo sobre ruedes[1] -con o ensin motor- onde se trata de superar delles torgues dellimitaes nuna trazada concreta dientro d'una zona señalizada.
| Trial | ||
|---|---|---|
 Toni Bou nel FIM Trial World Championship 2007 R1 (Spain) | ||
| [editar datos en Wikidata] |
El trial de motociclismu ye una disciplina motociclística na que los pilotos tienen de superar torgues ensin tocar el suelu col cuerpu nin cayese. Les habilidaes esenciales son l'equilibriu y la planificación de los movimientos p'avanzar nel percorríu. Esta disciplina ye popular n'España, particularmente en Cataluña, y el Reinu Xuníu.
Orixinalmente, el trial disputábase en zones naturales, polo que les torgues yeren piedres, tueros d'árboles, regueros y ribayos. El primer trial indoor foi'l Trial Indoor de Barcelona de 1978, que se disputa en cortiles zarraos, como estadios y ximnasios.
Comparaes coles motocicletes de motocrós y enduro, les motocicletes de trial son más llixeres, escarecen d'asientu, los neumáticos van más desinflaos y el percorríu de la suspensión ye más curtiu, adquiriendo una gran importancia l'usu de la inercia xenerada pol volante d'inercia en combinación con una rellación de marches muncho más curtia lo que dexa superar enormes torgues partiendo dende paráu.
Amás de esta modalidá con motocicleta tamién pue faese con bicicleta. A esti deporte llámase-y bike trial.
A cada zona de torgues qu'hai de pasar nesta modalidá, denómase-y "zona". Cuantes más vegaes se toque'l suelu con dalguna parte del cuerpu, más puntos (negativos) van tenese a la fin de la zona y mayor va ser la penalización final.
Historia
editar
Nel añu 1909 disputóse la primer edición de los "Scottish Six Days Trial"[2] (les primeres ediciones duraben en realidá cinco díes). Nella entemecíen competiciones de velocidá y d'habilidá; nestes postreres nun podía ponese'l pie na tierra (como se sigue faciendo anguaño) Nes primeres ediciones inclusive corrín automóviles.
Les motos usaes son motocicletes con un pesu bien llixeru y en dalgunes incorporen la fibra de carbonu (destacáu pol so pocu pesu). D'antiguo esti material nun s'incorporaba nes motos.
A principios de los años 1960 fundáronse marques ingleses especializaes en motocicletes de trial, ente elles Triumph, Tiger Cup 200 y BSA. Al empar tamién van pasar a construyir motos de dos tiempos forníes casi toes con motores Villiers. la mayoría van utilizar el mesmu o van basase nél.
Cuando dellos pilotos profesionales provenientes del motocrós se xunieron a esta disciplina, la postura de manexu pasó a ser más arguta.
Nel añu 1964, la situación sufre un cambéu drásticu. Sammy Miller, pilotu inglés consideráu'l meyor del so tiempu, güei una gran lleenda, foi ficháu por Bultaco. Francisco Bultó, basándose nos sos conseyos téunicos, la so esperiencia y la téunica de Bultaco va crear una moto revolucionario y específico pal trial que Miller va poner dafechu al so gustu y que denominó Sherpa T[3]. Dende entós va surdir una nueva dómina ónde la evolución marcó les nueves motocicletes.
El británicu Mick Andrews, otra figura del trial internacional va fichar pola marca española Ossa dando llugar a la MAR. Casi coles mesmes va entrar nel trial la marca Montesa que tamién algamó un gran ésitu y numberosos trunfos cola so Cota247, carauterizada por un nuevu diseñu estéticu ya innovador de Leopoldo Milà. La revolución causada pola primer Bultaco de trial foi tan grande qu'anguaño les competiciones de trial clásiques tienen una categoría mesma denomada pre-65, que coles mesmes sirve pa dixebrar los dos dómines carauterizaes poles motos clásiques ingleses y los españoles.
La década de 1990 foi dominada por Jordi Tarrés, y tres l'añu 2000 los dominadores foron Dougie Lampkin, Adam Raga y Toni Bou. El campeonatu español de trial disputóse dende 1968, y el indoor disputóse dende l'añu 2002.
Ver tamién
editarReferencies
editarEnllaces esternos
editar
Wikimedia Commons acueye conteníu multimedia sobre Trial.
Datos: Q1413550- Multimedia: Motorcycle Trials
