Truena
La truena ye un fenómenu carauterizáu pola coesistencia próxima de dos o más mases d'aire de distintes temperatures. Esti contraste acomuñáu a los efeutos físicos implicaos desagua nuna inestabilidá carauterizada por agües, vientos, rescamplos, truenos, rayos y dacuando granizos ente otros fenómenos meteorolóxicos.
Anque científicamente defínese como truena a aquella nube capaz de producir un truenu oyible, tamién se denominen nubes polo xeneral a los fenómenos atmosféricos violentos que, na superficie de la tierra tán acomuñaos a agua, xelu, xarazo, lletricidá, nieve o vientos fuertes -que pueden tresportar partícules en suspensión como la nube de sable o inclusive pequeños oxetos o seres vivos.
Formación de les nubes
editarLes nubes créanse cuando un centru de baxa presión rdesendólcase con un sistema d'alta presión que lo arrodia. Esta amesta de fuercies opuestes puede crear airones y resultar na formación de nubes de truena, como'l cumulonimbus.
El contraste térmicu y otres propiedaes de les mases d'aire húmedo dan orixe al desenvolvimientu de fuertes movimientos ascendentes y descendentes (conveición) produciendo una serie d'efeutos carauterísticos, como fuertes agües y vientos na superficie ya intenses descargues llétriques. Esta actividá llétrica asoleya cuando s'algama la tensión de rotura del aire, momentu nel que se xenera'l rayu que da orixe a los fenómenos carauterísticos de rescamplíu y truenu. L'apaición de rescamplos depende de factores tales como'l grau d'ionización atmosférico, amás del tipu y la concentración de la precipitación.
Carauterístiques
editarPor regla xeneral una célula convectiva de nube tien una estensión horizontal d'unos diez quilómetros cuadraos. Sicasí, frecuentemente prodúcense simultánea o casi simultáneamente delles célules convectivas que desencadenen fuertes precipitaciones mientres un periodu de tiempu más llargu. N'ocasiones, cuando les condiciones del vientu son afeches, una nube puede evolucionar hasta l'estáu de supercélula aniciando series de corrientes ascendentes y descendentes y abondosa precipitación mientres delles hores.
Les truenes pueden contener vórtices d'aire, esto ye, vientu xirando en redol a un centru (como los furacanes). Les nubes que contienen estos vórtices (supercélulas) son bien intenses y como carauterística ye probable que puedan producir trombas marines y tornaos, suelen aniciase en zones bien zarraes, onde'l vientu nun tien abondu escape.
Una truena tropical fai referencia a una nube de mayores dimensiones en llatitúes subtropicales alternando rexones ascendentes y descendentes y capaz d'evolucionar potencialmente hasta l'estáu de furacán.
Ver tamién
editarBibliografía
editarTruenes llétriques
- Feynman, R. (1964, 1966). The Feynman Lectures on Physics, 2 vol. (n'inglés)
