Unión Noreñense Independiente
La Unión Noreñense Independiente (UNI) foi un partíu independiente de calter llocal fundáu por Aurelio Quirós Argüelles pa preséntase a les eleiciones municipales de 2003 y que tuvo actividá hasta 2007, años nos que tuvo gobernando'l conceyu.
| Unión Noreñense Independiente | |
|---|---|
| Acrónimu | UNI |
| Presidente | Aurelio Quirós Argüelles |
| Fundación | 2003 |
| Disolución | 2007 |
| Sede | Noreña |
| Estáu |
 España |
| Ideoloxía política | llocalismu |
| Posición nel espectru | centrismu |
 | |
Aurelio Quirós, que foi alcalde de Noreña mientres más de 20 años, yá fuere candidatu anteriormente d'URAS en 1999, Centristas Asturianos en 1995 y de CDS en 1991, 1987 y 1983. Nes de 1979 presentóse de terceru na llista de Unión de Centro Democrático y Social (UCD) qu'encabezaba Rafael Junquera García saliendo escoyíu conceyal. Con too, depués de gobernar con mayoría absoluta como URAS, Quirós funda un partíu noreñés pa presentase a les eleiciones de 2003.
UNI gana les eleiciones municipales, algamando 4 conceyales, PSOE y PP queden con 3 conceyales caún ya IU algamó un representante. Aurelio Quirós conviértese n'alcalde y gobierna col PP.
Cola retirada d'Aurelio Quirós a la metada del so mandatu, en 2005, César Movilla Anta conviértese nel cabezaleru d'UNI y Miguel Ángel Fuente Calleja del PP conviértese n'alcalde en funciones. Nesti momentu, la UNI pacta col PSOE y César Movilla conviértese n'alcalde, gobierna en Noreña'l bipartitu UNI-PSOE hasta la final de llexislatura.
La Unión Noreñense Independiente desaparez yá na siguiente cita eleutoral de 2007 y dalgunos de los conceyales de la formación intégrense n'otres llistes eleutorales. Cesar Movilla, conviértese nel candidatu del PSOE, tamién nes llistes d'esti partíu preséntase María Belén Junquera Bobes, pela so parte Daniel González Rajó encabezará la llista d'URAS nes que yá fuere de númberu siete en 1999 cuando la encabezara Quirós y na que tamién s'alcontraben Movilla y Junquera.
Referencies
editarEnllaces esternos
editar
Wikimedia Commons tien conteníu multimedia tocante a Unión Noreñense Independiente.
Datos: Q9091766
