Usté

Usté o vusté ye un pronome personal del asturianu, gramaticalmente de tercer persona del singular, pero semánticamente de segunda persona, que na oración desempeña la función de suxetu y de complementu con preposición; por casu: - Fixo usté bien bon trabayu.; - Usté ta a tiempu.

Etimoloxía

Envalórase frutu de la contraición de la vuesa mercé, un tratamientu o títulu de cortesía que s'usaba d'antiguo con aquellos que nun teníen sonadía o grau por onde se-yos debieren otros tratamientos cimeros. Asina, la vuesa mercé evolucionaría escontra vusted (anque la pallabra equivalente catalana, vostè, cola que claramente ta emparentada, paecería suxerir una evolución a partir de vos). A partir d'esti vusted surdió usté. La forma antigua persiste na abreviatura d'usté: Vd.

Ver tamién

• Ustedeo