GerarDSC
Afáyate GerarDSC na Wikipedia n'asturianu. Esta ye la to páxina d'alderique, equí van escribite los otros usuarios. Amás, tienes la to páxina d'usuariu, onde pues poner los tos datos, intereses, les llingües que fales, etc. Si tienes duldes consulta l'ayuda.
|
Bones, GerarDSC, lleo nel mensax que punxiste (alcuérdate siempres de firmar, pa ello, calca nel segundu cuadru a mandrecha, na caxa d'edición ), una entruga alrodiu de l'emplegu de la "L" apostrofada cola pallabra enciclopedia. Yo nun sabría dicite porqué, paezme que EL+E apostrófase, por exemplu "l'emplegu", "l'exércitu", "l'esmolimientu", pero LA+E nun s'apostrofa. Equí delantre tengo el DALLA: voi poner testualmente un párrafu
"L'Academia de la Llingua Asturiana entiende que, magar toles previsiones, son munches les carencies que tou bon usuariu percanciará bien llueu. Pero tamién ha sabese perdayuri qu'ésti nun ye nin un diccionariu dialeutolóxicu, nin una trescripción fonética de tola realidá oral, nin un manual con toles recetes afayadices. L'idioma faise entá y la investigación sigue'l so camín ensin priesa y ensin escaecer qu'enxamás se recoyó la última pallabra. L'Academia, nesti sentíu, vese a sí mesma dientro d'un procesu históricu llargu y complexu del que se tien bona conocencia desque s'entamare nel sieglu XVIII. Naquel entós homes como Xovellanos, [...], ente otros afalagaben la idea d'iguar un gran diccionariu de la llingua. Nun pudo ser daquella pero asitiaron nel país l'esmolimientu pol so algame."
Lo mesmo con EL+I (L'idioma), pero LA+I nun s'apostrofa (la investigación). Ye por ello, y por siguir toos unes normes, que La Enciclopedia, nun s'apostrofa. Un saludu. --Astur 20:07, 24 setiembre 2007 (UTC)